ഐപിഎല്ലിന്റെ വരുന്ന സീസണില് രാജസ്ഥാന് റോയല്സ് വിട്ട് ചെന്നൈ സൂപ്പര് കിംഗ്സിലേക്കു മാറിയേക്കുമെന്ന റിപ്പോർട്ടുകളോട് ആദ്യമായി പ്രതികരിച്ച് സഞ്ജു സാംസണ്. ഷാര്ജയില് ഒരു പരിപാടിയില് പങ്കെടുക്കാനെത്തിയപ്പോഴാണ് സഞ്ജു ഇതിനോട് പ്രതികരിച്ചത്.
രാജസ്ഥാന് റോയല്സ് വിട്ട് ചെന്നൈ സൂപ്പര് കിംഗ്സിലേക്കു മാറുകയാണോയെന്ന മാധ്യമപ്രവര്ത്തകരുടെ ചോദ്യത്തോട് ഒന്നും പറയാനില്ല എന്നായിരുന്നു നിറഞ്ഞ ചിരിയോടെയുള്ള സഞ്ജുവിന്റെ പ്രതികരണം.
2026 ലെ ഐപിഎൽ സീസണിൽ സഞ്ജു സാംസൺ ചെന്നൈ സൂപ്പർ കിംഗ്സിൽ ചേരുന്നത് സംബന്ധിച്ച് ഔദ്യോഗിക പ്രഖ്യാപനമൊന്നും വന്നിട്ടില്ല. ഐപിഎൽ 2025 സീസണിൽ സിഎസ്കെ മോശം പ്രകടനമായിരുന്നു കാഴ്ചവെച്ചത്. എട്ട് പോയിന്റുകൾ മാത്രമായി അവസാന സ്ഥാനത്താണ് അവർ ഫിനീഷ് ചെയ്തത്.
അതേസമയം, രാജസ്ഥാൻ റോയൽസിനും 2025 മോശം സീസണായിരുന്നു. ഒമ്പതാം സ്ഥാനക്കാരായാണ് അവർ സീസൺ അവസാനിപ്പിച്ചത്. കാരണം സാംസണിന്റെ പ്രചാരണം പരിക്കുകൾ മൂലം തടസ്സപ്പെട്ടു. ഇരു ടീമുകളും പുനർനിർമ്മിക്കാൻ ശ്രമിക്കുമ്പോൾ, ആർആർ ക്യാപ്റ്റനിൽ സിഎസ്കെയുടെ താൽപ്പര്യം 2026 സീസണിന് മുന്നോടിയായി പ്രധാന വാർത്തയാണ്.
Read more
2025 ലെ ഐപിഎൽ മെഗാ ലേലത്തിന് മുന്നോടിയായി രാജസ്ഥാൻ റോയൽസ് 18 കോടിക്ക് സഞ്ജു സാംസണെ നിലനിർത്തി. എന്നിരുന്നാലും, അദ്ദേഹം ഒമ്പത് മത്സരങ്ങൾ മാത്രമാണ് കളിച്ചത്. 35.62 ശരാശരിയിലും 140.39 സ്ട്രൈക്ക് റേറ്റിലും താരം 285 റൺസ് നേടി. ഒരു അർദ്ധസെഞ്ച്വറി മാത്രമാണ് താരത്തിന് നേടാനായത്.
