2025 ഐപിഎൽ ചാമ്പ്യന്മാരായി റോയൽ ചലഞ്ചേഴ്‌സ് ബെംഗളൂരു. 18 വർഷത്തെ കാത്തിരിപ്പിനൊടുവിലാണ് വിരാട് കോഹ്ലി ഐപിഎൽ കിരീടത്തിൽ മുത്തമിട്ടത്. എന്നാൽ വിജയത്തിന് ശേഷം ബംഗളുരുവിൽ ആർസിബി സംഘടിപ്പിച്ച വിജയാഘോഷ പരിപാടിയിൽ തിക്കിലും തിരക്കിലും പെട്ട് 11 പേർക്ക് ജീവൻ നഷ്ടമായി
കൂടാതെ സംഭവത്തില്‍ അമ്പതിലധികം പേര്‍ക്ക് പരിക്കേറ്റതായാണ് വിവരം. ബെംഗളൂരുവിലെ ചിന്നസ്വാമി സ്റ്റേഡിയത്തിന് സമീപത്തുവച്ചാണ് ദുരന്തമുണ്ടായത്. നിലവില്‍ പരിക്കേറ്റവരെ നഗരത്തിലെ വിവിധ സ്വകാര്യ ആശുപത്രികളിലായി പ്രവേശിപ്പിച്ചിരിക്കുകയാണ്. എന്നാൽ ഈ അപകട വിവരം വിരാട് കോഹ്ലി അറിഞ്ഞിരുന്നില്ല എന്ന് പറഞ്ഞ് രംഗത്ത എത്തിയിരിക്കുകയാണ് മുൻ ഇന്ത്യൻ താരം അതുൽ വാസൻ.
അതുൽ വാസൻ പറയുന്നത് ഇങ്ങനെ:
Read more
” ചിന്നസ്വാമി സ്റ്റേഡിയത്തിന് പുറത്തുനടന്ന അപകടം കോഹ്ലി അറിഞ്ഞുകാണാനിടയില്ല. അദ്ദേഹത്തെ എനിക്ക് ചെറിയ പ്രായം മുതലേ വ്യക്തിപരമായി അറിയാം. പുറത്ത് ആളുകള്‍ മരിച്ചുവീഴുന്നുണ്ടെന്ന് അറിയാമായിരുന്നിട്ടും കോഹ്ലി സ്വീകരണ ചടങ്ങില്‍ പങ്കെടുക്കുമെന്ന് ഞാന്‍ വിശ്വസിക്കുന്നില്ല” അതുൽ വാസൻ പറഞ്ഞു.
