മെയ് 11, ഞായറാഴ്ച അരുൺ ജെയ്റ്റ്‌ലി സ്റ്റേഡിയത്തിൽ നടക്കാനിരിക്കുന്ന ഗുജറാത്ത് ടൈറ്റൻസിനെതിരായ (ജിടി) ഐപിഎൽ 2025 മത്സരത്തിനുള്ള ടിക്കറ്റ് എടുത്ത ആളുകൾക്ക് പണം തിരികെ നൽകുമെന്ന് ഡൽഹി ക്യാപിറ്റൽസ് (ഡിസി) പ്രഖ്യാപിച്ചു.
ഐപിഎൽ 2025 ഒരു ആഴ്ചത്തേക്ക് നിർത്തിവച്ചതിന് ശേഷമാണ് ഈ പ്രഖ്യാപനം. മെയ് 8 ന് ധർമ്മശാലയിൽ പഞ്ചാബ് കിംഗ്‌സിനെതിരെ (പിബികെഎസ്) ഡൽഹിയുടെ മത്സരം പകുതിക്ക് വെച്ച് നിർത്തിവെക്കുക ആയിരുന്നു. ജിടി മത്സരത്തിനുള്ള ടിക്കറ്റുകളുടെ റീഫണ്ട് ഫ്രാഞ്ചൈസി അവരുടെ എക്സ് ഹാൻഡിൽ സ്ഥിരീകരിച്ചു, ഇങ്ങനെ കുറിച്ചു:
” മത്സരം ഒഴിവാക്കിയിരിക്കുന്നു. ടിക്കറ്റ് എടുത്ത ആളുകൾക്ക് പണം തിരികെ ലഭിക്കും. കൂടുതൽ വിവരങ്ങൾ അറിയിക്കാം.”
സൺറൈസേഴ്‌സ് ഹൈദരാബാദ് (SRH), ലഖ്‌നൗ സൂപ്പർ ജയന്റ്‌സ് (LSG) എന്നിവർ നേരത്തെ തന്നെ തങ്ങളുടെ അടുത്ത IPL 2025 മത്സരങ്ങൾക്കുള്ള ആരാധകർക്കുള്ള ടിക്കറ്റ് റീഫണ്ട് സ്ഥിരീകരിച്ചിരുന്നു. അതേസമയം ഇന്ത്യൻ പ്രീമിയർ ലീഗ് താത്കാലികമായി നിർത്തിവെച്ച അപ്ഡേറ്റ് അവർ പറഞ്ഞത് ഇങ്ങനെ:
“ഇന്ത്യൻ ക്രിക്കറ്റ് കൺട്രോൾ ബോർഡ് (BCCI) ഇപ്പോൾ നടന്നുകൊണ്ടിരിക്കുന്ന TATA IPL 2025 ന്റെ ശേഷിക്കുന്ന മത്സരങ്ങൾ ഒരു ആഴ്ചത്തേക്ക് താൽക്കാലികമായി നിർത്തിവയ്ക്കാൻ തീരുമാനിച്ചു. ടൂർണമെന്റിന്റെ പുതിയ ഷെഡ്യൂളും വേദികളും സംബന്ധിച്ച കൂടുതൽ അപ്‌ഡേറ്റുകൾ ബന്ധപ്പെട്ട അധികാരികളുമായും പങ്കാളികളുമായും കൂടിയാലോചിച്ച് സ്ഥിതിഗതികൾ സമഗ്രമായി വിലയിരുത്തിയ ശേഷം യഥാസമയം പ്രഖ്യാപിക്കും.”
ലീഗ് ഘട്ടത്തിലെ 70 മത്സരങ്ങളിൽ 58 എണ്ണം കളിച്ചു കഴിഞ്ഞു, പ്ലേഓഫുകൾ ഉൾപ്പെടെ 16 എണ്ണം കൂടി ബാക്കിയുണ്ട്. 11 മത്സരങ്ങളിൽ എട്ട് വിജയങ്ങളുമായി GT പോയിന്റ് പട്ടികയിൽ ഒന്നാമതാണ്, അതേസമയം 12 മത്സരങ്ങളിൽ മൂന്ന് വിജയങ്ങളുമായി ചെന്നൈ സൂപ്പർ കിംഗ്‌സ് (CSK) പോയിന്റ് പട്ടികയിൽ അവസാന സ്ഥാനക്കാരായി വളർത്തും.
Read more
