ഐപിഎല് 15ാം സീസണില് ചെന്നൈ സൂപ്പര് കിംഗ്സിന് തുടര്ച്ചയായ മൂന്നാം തോല്വി. ഇന്ന് നടന്ന മത്സരത്തില് പഞ്ചാബ് കിംഗ്സിനോട് 54 റണ്സിന്റെ തോല്വിയാണ് ചെന്നൈ വഴങ്ങിയത്. പഞ്ചാബ് മുന്നോട്ടുവെച്ച 181 റണ്സിലേക്ക് ബാറ്റേന്തിയ ചെന്നൈ 18 ഓവറില് 126 റണ്സിന് ഓള്ഔട്ടായി.
അര്ദ്ധ സെഞ്ച്വറി നേടിയ ശിവം ദുബെയാണ് ചെന്നൈയുടെ ടോപ് സ്കോറര്. 30 ബോള് നേരിട്ട ദുബെ 3 സിക്സിന്റെയും 6 ഫോറിന്റെയും അകമ്പടിയില് 57 റണ്സെടുത്തു. ചെന്നൈയുടെ മൂന്ന് സൂപ്പര് താരങ്ങള് പൂജ്യത്തിന് പുറത്തായി. മൊയിന് അലി, രവീന്ദ്ര ജഡേജ, ഡ്വെയ്ന് ബ്രാവോ എന്നിവരാണ് പൂജ്യത്തിന് പുറത്തായത്.
ധോണി 28 ബോളില് 23, റോബിന് ഉത്തപ്പ 10 ബോളില് 13, റുതുരാജ് ഗെയ്ക്വാദ് 4 ബോളില് 1, അമ്പാട്ടി റായിഡു 21 ബോളില് 13, ഡ്വെയ്ന് പ്രിട്ടോറിയസ് 4 ബോളില് 8, ക്രിസ് ജോര്ദാന് 5 ബോളില് 5, മുകേഷ് ചൗധരി 2 ബോളില് 2* എന്നിങ്ങനെയാണ് മറ്റുള്ളവരുടെ പ്രകടനം.
പഞ്ചാബിനായി രാഹുല് ചഹാര് മൂന്ന് വിക്കറ്റ് വീഴ്ത്തി. വൈഭവ് അറോര, ലിയാം ലിവിംഗ്സ്റ്റണ്, എന്നിവര് രണ്ട് വിക്കറ്റ് വീതംവും ഒഡിയന് സ്മിത്ത്, കാഗിസോ റബാഡ, അര്ഷ്ദീപ് സിംഗ് എന്നിവര് ഓരോ വിക്കറ്റ് വീതവും വീഴ്ത്തി.
മത്സരത്തില് ടോസ് നഷ്ടപ്പെട്ട് ബാറ്റിംഗിനിറങ്ങിയ പഞ്ചാബ് നിശ്ചിത ഓവറില് 8 വിക്കറ്റ് നഷ്ടത്തിലാണ് 180 റണ്സ് നേടിയത്. അര്ദ്ധ സെഞ്ച്വറി നേടിയ ലിയാം ലിവിംഗ്സ്റ്റണാണ് പഞ്ചാബിന്റെ ടോപ് സ്കോറര്. 32 ബോള് നേരിട്ട ലിവിംഗ്സ്റ്റണ് അഞ്ച് വീതം ഫോറിന്റെയും സിക്സിന്റെയും അകമ്പടിയില് 60 റണ്സെടുത്തു.
മായങ്ക് അഗര്വാള് 2 ബോളില് 4, ശിഖര് ധവാന് 24 ബോളില് 33, ഭാനുക രാജപക്സെ 5 ബോളില് 9, ഷാരൂഖ് ഖാന് 11 ബോളില് 6, ഒഡിയന് സ്മിത്ത് 7 ബോളില് 3, ജിതേഷ് ശര്മ 17 ബോളില് 26, രാഹുല് ചാഹര് 8 ബോളില് 12, കാഗിസോ റബാഡ 12 ബോളില് 12*, വൈഭവ് അറോറ 2 ബോളില് 1* എന്നിങ്ങനെയാണ് മറ്റുള്ളവരുടെ പ്രകടനം.
Read more
ചെന്നൈയ്ക്കായി ക്രിസ് ജോര്ദാന്, ഡ്വെയ്ന് പ്രിട്ടോറിയസ് എന്നിവര് രണ്ട് വിക്കറ്റ് വീതം വീഴ്ത്തി. ഡ്വെയ്ന് ബ്രാവോ, മുകേഷ് ചൗധരി, രവീന്ദ്ര ജഡേജ എന്നിവര് ഓരോ വിക്കറ്റ് വീതവും നേടി.