മുൻ കാമുകി തന്റെ ക്രിക്കറ്റ് കരിയർ നശിപ്പിക്കുമെന്ന് ഭീഷണിപ്പെടുത്തി എന്ന ആരോപണവുമായി ഇന്ത്യൻ ക്രിക്കറ്റ് താരവും ഐപിഎല്ലിൽ രാജസ്ഥാൻ റോയൽസ്, കൊൽക്കത്ത നൈറ്റ് റൈഡേഴ്സ് താരവുമായിരുന്ന കെ. സി കരിയാപ്പ രംഗത്ത്. സംഭവത്തിൽ കരിയാപ്പ പോലീസ് സഹായം തേടിയെന്നാണ് പുറത്തുവരുന്ന റിപ്പോർട്ടുകൾ.
കാമുകിയായിരുന്ന ഈ പെൺകുട്ടി ലഹരിക്ക് അടിമയായതിനാൽ തനിക്ക് ഈ ബന്ധം മുന്നോട്ട് കൊണ്ടുപോവാൻ പരിമിതികൾ ഉണ്ടായിരുന്നെന്നും അതുകൊണ്ടാണ് വേർപിരിഞ്ഞതെന്നുമാണ് കെ. സി കരിയാപ്പ പറയുയന്നത്.
എന്നാൽ ഇപ്പോൾ മുൻ കാമുകിയിൽ നിന്നും തന്റെ കരിയർ അവസാനിപ്പിക്കുമെന്ന ഭീഷണി സന്ദേശങ്ങൾ ലഭിക്കുന്നുണ്ടെന്ന് ആരോപിച്ചാണ് കരിയാപ്പ പോലീസ് സഹായം തേടിയിരിക്കുന്നത്. കൂടാതെ തന്റെ കുടുംബാംഗങ്ങളെയും യുവതി ഭീഷണിപ്പെടുത്തുന്നുണ്ടെന്നാണ് കരിയാപ്പ പറയുന്നത്.
വിവാഹവാഗ്ദാനം നൽകി തന്നെ ലൈംഗികമായി കരിയാപ്പ പീഡിപ്പിച്ചിരുന്നെന്ന് യുവതി കഴിഞ്ഞ വർഷം പോലീസിൽ പരാതി നൽകിയിട്ടുണ്ടെന്നാണ് ടൈസ് ഓഫ് ഇന്ത്യ റിപ്പോർട്ട് ചെയ്യുന്നത്.
Read more
പോലീസിൽ പരാതിപ്പെടാതിരിക്കാൻ തനിക്ക് മേൽ കരിയാപ്പ സമർദ്ധം ചെലുത്തിയിരുന്നുവെന്നാണ് യുവതി പറയുന്നത്. കരിയാപ്പ തന്നെ ഗർഭിണിയാക്കിയിരുന്നെന്നും, പിന്നീട് ഗർഭം അലസിപ്പിക്കാൻ ഗുളികകൾ കഴിപ്പിച്ചിരുന്നെന്നും യുവതി പരാതിയിൽ പറയുന്നുണ്ട്.
