ഇംഗ്ലണ്ടിനെതിരായ ടെസ്റ്റ് ടീമിൽ നിന്ന് സർഫ്രാസിനെ ഒഴിവാക്കിയതിന് ശേഷം മുൻ ഇന്ത്യൻ ഓപ്പണർ സുനിൽ ഗവാസ്‌കർ സർഫ്രാസ് ഖാനോട് കരുണ് നായരിൽ നിന്ന് പ്രചോദനം ഉൾക്കൊള്ളണമെന്ന് ആവശ്യപ്പെട്ടു. ടീമിൽ ഇടം നേടിയാൽ കളിക്കാർ ഒരിക്കലും പുറത്താക്കാൻ ഇടം വരാത്ത രീതിയിൽ ഉള്ള പ്രകടനം നടത്തണം എന്നും ഇതിഹാസം ഉപദേശമായി പറഞ്ഞു.
വലംകൈയ്യൻ ബാറ്റ്‌സ്മാൻ ആയ കരുൺ നായർ ഇംഗ്ലണ്ട് പര്യടനത്തിനുള്ള 18 അംഗ ടെസ്റ്റ് ടീമിലേക്ക് തിരിച്ചെത്തി, ഏഴ് വർഷത്തിന് ശേഷം ഇന്ത്യയ്ക്കായി ആദ്യമായി റെഡ്-ബോൾ മത്സരം കളിക്കാനൊരുങ്ങുകയാണ്. 2024-25ൽ രഞ്ജി ട്രോഫി സീസണിൽ 33 കാരനായ അദ്ദേഹം ഒമ്പത് മത്സരങ്ങളിൽ നിന്ന് 53.93 ശരാശരിയിൽ 863 റൺസ് നേടി നാലാമത്തെ ഏറ്റവും ഉയർന്ന റൺ സ്‌കോറർ ആയി മാറിയിരുന്നു .
ഇന്ത്യ ടുഡേയോട് സംസാരിക്കവെ, ജയദേവ് ഉനദ്കട്ട് തന്റെ സമയം ചെലവഴിച്ചതും ഇന്ത്യയ്ക്ക് ഒരു കോൾ ലഭിക്കാൻ തുടർച്ചയായി പ്രകടനം കാഴ്ചവെച്ചതും എങ്ങനെയെന്ന് ഗവാസ്‌കർ ഓർമ്മിച്ചു.
“ജയ്ദേവ് വളരെ ചെറുപ്പത്തിൽ തന്നെ തന്റെ ആദ്യ ടെസ്റ്റ് കളിച്ചു, പിന്നീട് മറ്റൊരു ടെസ്റ്റ് കളിക്കാൻ 13 വർഷമെടുത്തു. അദ്ദേഹം സ്ഥിരോത്സാഹത്തോടെ, ആഭ്യന്തര ക്രിക്കറ്റിൽ വിക്കറ്റുകൾ വീഴ്ത്തിക്കൊണ്ടേയിരുന്നു. ഉനദ്കട്ടിനെപ്പോലെ, കരുണും തുടർച്ചയായി സെഞ്ച്വറികൾ നേടിയിട്ടുണ്ട്. അതുകൊണ്ടാണ് സെലക്ഷൻ കമ്മിറ്റിക്ക് അദ്ദേഹത്തെ തിരികെ കൊണ്ടുവരേണ്ടി വന്നത്. ഫോമിലുള്ള ഒരു കളിക്കാരനാണ് നിങ്ങളുടെ ഏറ്റവും മികച്ച കളിക്കാരിൽ ഒരാൾ.”
“അദ്ദേഹം റൺസ് നേടുന്നുണ്ട്, കൗണ്ടി ചാമ്പ്യൻഷിപ്പുകളുടെ അനുഭവവും അദ്ദേഹത്തിനുണ്ട്. നിങ്ങൾ ആരെയും നിരാശപ്പെടുത്തരുത്. ഒരു ടീം ഒരു പരമ്പര തോറ്റാൽ, ടീമിലെ 13, 14, 15 സ്ഥാനത്തുള്ളവരെ ഒഴിവാക്കുന്നത് നമ്മൾ മുമ്പ് കണ്ടിട്ടുണ്ട്. നിങ്ങൾ നിങ്ങളുടെ അവസരങ്ങൾ ഉപയോഗിക്കണം.”
Read more
നായർ തന്റെ അരങ്ങേറ്റ പരമ്പരയിൽ ഇംഗ്ലണ്ടിനെതിരെ ട്രിപ്പിൾ സെഞ്ച്വറി നേടിയിരുന്നു, 381 പന്തുകളിൽ നിന്ന് 303* റൺസ് നേടി. എന്നിരുന്നാലും,ശേഷം ആറ് ടെസ്റ്റുകളിൽ നിന്ന് 374 റൺസ് മാത്രമേ അദ്ദേഹത്തിന് നേടാനായിട്ടുള്ളൂ. അത് അദ്ദേഹത്തെ ടീമിൽ നിന്ന് ഒഴിവാക്കുന്നതിലേക്ക് എത്തിച്ചു.
