വിരാട് കോഹ്‌ലിയെ സംബന്ധിച്ച് അദ്ദേഹം ഇന്ന് ഇന്ത്യൻ ക്രിക്കറ്റിലെ ഒരു സൂപ്പർതാരം മാത്രമല്ല ലോക ക്രിക്കറ്റിലെ തന്നെ ഏറ്റവും വലിയ ബ്രാൻഡ് നെയിം ആണെന്ന് പറയാം. സച്ചിനുശേഷം ലോകത്തിൽ തന്നെ ക്രിക്കറ്റ് പ്രചാരം ഇല്ലാത്ത രാജ്യങ്ങളിൽ പോലും ആരാധകരെ സൃഷ്ടിക്കാൻ സാധിച്ചതും കോഹ്‌ലിക്ക് മാത്രമാണ്.
എന്തായാലും ഇന്ന് ക്രിക്കറ്റിൽ ഒരുപിടി തകർപ്പൻ റെക്കോഡുകൾ കൈവശം വെച്ച് ഇപ്പോഴും ലോക ക്രിക്കറ്റ് ഭരിക്കുന്ന കോഹ്‌ലി നിലവിൽ ഇന്ത്യൻ പ്രീമിയർ ലീഗിന്റെ തിരക്കിലാണ് നിൽക്കുന്നത്. സീസണിൽ തകർപ്പൻ ഫോമിൽ കളിക്കുന്ന കോഹ്‌ലി 7 അർദ്ധ സെഞ്ചുറികൾ നേടി ഓറഞ്ച് ക്യാപ്പ് മത്സരത്തിൽ മുന്നിൽ നിൽക്കുകയാണ്. എങ്ങനെയാണ് ഒരു താരത്തിന് ഇത്ര വർഷമായിട്ടും ഇങ്ങനെ സ്ഥിരത നിലനിർത്തി കളിക്കാൻ സാധിക്കുന്നത്. അപാര ഫിറ്റ്നസ് തന്നെയാണ് അതിന്റെ കാരണം. എന്തായാലും കോഹ്‌ലിയുമായി ബന്ധപ്പെട്ടും അദ്ദേഹത്തിന്റെ ഫിറ്റ്നസ് നിലവരുമായി ബന്ധപ്പെട്ടും ഗൗതം ഗംഭീർ പറയുന്നത് ഇങ്ങനെ:
“ഇന്ത്യൻ ടീമിലെ ഏറ്റവും ഫിറ്റ്നസുള്ള കളിക്കാരനാണ് വിരാട് കോഹ്‌ലി”
ഗില്ലും സൂര്യകുമാറും ജയ്‌സ്വാളും ബുംറയും ഒകെ വലിയ മത്സരം കൊടുക്കുന്ന സമയത്താണ് കോഹ്‌ലി ഇപ്പോഴും ഫിറ്റ്നസിന്റെ അവസാന വാക്കായി നിൽക്കുന്നത് എന്ന് ഓർക്കുക. കോഹ്‌ലിയുടെ സാന്നിധ്യം യുവതാരങ്ങൾക്കും ഉയർന്ന നിലവാരത്തിൽ ഉള്ള ഫിറ്റനസ് നിലനിർത്താൻ പ്രചോദനം ആണെന്ന് മുഹമ്മദ് സിറാജ് മുമ്പ് പറഞ്ഞിട്ടുണ്ട്.
Read more
അതേസമയം കോഹ്‌ലിയെ സംബന്ധിച്ച് ഓറഞ്ച് ക്യാപ് തലയിൽ വെക്കുന്നതിനേക്കാൾ ടീം ഏറെ ആഗ്രഹിച്ച കിരീടം നേടി കൊടുക്കുക എന്നതാണ് ഇത്തവണത്തെ പ്രധാന ലക്ഷ്യം.
