ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പര തൂത്തുവാരിയതോടെ ഇന്ത്യന് നായകന് കോഹ്ലിയെ തേടി അപൂര്വ്വ റെക്കോഡ്. ടെസ്റ്റ് ക്രിക്കറ്റില് ഏറ്റവും കൂടുതല് പരമ്പരകള് തൂത്തുവാരുന്ന ഇന്ത്യന് നായകനെന്ന റെക്കോഡാണ് കോഹ്ലി സ്വന്തമാക്കിയത്. പരമ്പര എതിരില്ലാതെ 3-0ത്തിനാണ് ഇന്ത്യ സ്വന്തമാക്കിയത്.
ദക്ഷിണാഫ്രിക്കക്കെതിരായ നേടിയ വൈറ്റ് വാഷ് കോഹ്ലിയുടെ ക്യാപ്റ്റന്സി കരിയറിലെ മൂന്നാമത്തെ സമ്പൂര്ണവിജയമാണ്. ഏറ്റവും കുറഞ്ഞത് മൂന്ന് മത്സരങ്ങളെങ്കിലുമുള്ള പരമ്പരയില് രണ്ട് തവണ പരമ്പര തൂത്തുവാരിയിട്ടുള്ള മുഹമ്മദ് അസ്ഹറുദ്ദീന്റെ റെക്കോഡാണ് കോഹ്ലി മറികടന്നത്. ന്യൂസിലന്ഡിനെതിരെയും(3-0), ശ്രീലങ്കക്കെതിരെയും(3-0) ആണ് കോഹ്ലിയുടെ നേതൃത്വത്തില് ഇന്ത്യ ഇതിന് മുമ്പ് പരമ്പര തൂത്തുവാരിയത്.
അതെസമയം ദക്ഷിണാഫ്രിക്കയെ തേടിയെത്തിയത് നാണക്കേടിന്റെ റെക്കോഡാണ്. ഒരു പരമ്പരയിലെ തുടര്ച്ചയായ രണ്ട് ടെസ്റ്റുകളില് ദക്ഷിണാഫ്രിക്ക ഇന്നിംഗ്സ് തോല്വി വഴങ്ങുന്നത് 1935-36നുശേഷം ഇതാദ്യമാണ്. ദക്ഷിണാഫ്രിക്കയുടെ ചരിത്രത്തിലെ ഏറ്റവും വലിയ അഞ്ചാമത്തെ തോല്വിയാണ് മൂന്നാം ടെസ്റ്റിലേത്.
Read more
രാജ്യാന്തര ക്രിക്കറ്റില് തിരിച്ചെത്തിയ ശേഷം ഇത് മൂന്നാം തവണ മാത്രമാണ് ദക്ഷിണാഫ്രിക്ക ഒരു പരമ്പരയില് സമ്പൂര്ണ തോല്വി വഴങ്ങുന്നത്. 2001-02ലും 2005-06ലും ഓസ്ട്രേലിയക്കെതിരെ ആയിരുന്നു ഇതിനു മുമ്പ് ദക്ഷിണാഫ്രിക്ക ഒരു പരമ്പരയിലെ എല്ലാ മത്സരങ്ങളും തോറ്റത്.