ഇപ്പോൾ നടക്കുന്ന ടി-20 ലോകകപ്പിൽ ഇന്ത്യയുമായുള്ള മത്സരത്തിൽ നിന്ന് പാകിസ്ഥാൻ പിന്മാറിയിരുന്നു. എന്നാൽ ഈ തീരുമാനത്തിന് ഇപ്പോൾ യു-ടേൺ അടിച്ചിരിക്കുകയാണ് പാകിസ്ഥാൻ. ഞാറാഴ്ച്ച നടക്കുന്ന മത്സരത്തിൽ ഇന്ത്യയും പാകിസ്താനും ഏറ്റുമുട്ടും. ഇന്ത്യയുമായി കളിക്കാൻ പാകിസ്ഥാൻ സർക്കാർ അനുമതി നൽകിയിരിക്കുകയാണ്.
ഇപ്പോഴിതാ പാകിസ്ഥാൻ സ്പിന്നർ ഉസ്മാൻ താരിഖ് തന്റെ ബൗളിംഗ് ആക്ഷനെച്ചൊല്ലി ഇന്ത്യന് ആരാധകര്ക്കിടയില് ചര്ച്ചകള് കൊഴുക്കുന്നതിനിടെ മറുപടിയുമായി രംഗത്തെത്തിയിരിക്കുകയാണ്. വരാനിരിക്കുന്ന പോരാട്ടത്തില് തന്നെ നേരിടുക എന്നത് ഇന്ത്യയ്ക്ക് വലിയ സമ്മര്ദ്ദമുണ്ടാക്കുമെന്നും തന്റെ ആക്ഷനെക്കുറിച്ചുള്ള അനാവശ്യ ചര്ച്ചകള് ഇതിന്റെ തെളിവാണെന്നും താരം പറഞ്ഞു.
Read more
‘ഇന്ത്യന് ആരാധകര്ക്കിടയില് ഇത്രയധികം ചര്ച്ചകള് നടക്കുന്നത് അവര്ക്കുണ്ടാകുന്ന സമ്മര്ദ്ദം കൊണ്ടാണെന്നാണ് ഞാന് കരുതുന്നത്. അവര് എന്റെ ആക്ഷനെ എതിര്ക്കുന്നുണ്ടെങ്കില് അതിനര്ത്ഥം അവര്ക്ക് എന്നെ നേരിടാന് ആശങ്കയുണ്ടെന്നാണ്. എന്നാല് ഞാന് ഇത്തരം മാധ്യമ ചര്ച്ചകളിലൊന്നും ശ്രദ്ധിക്കുന്നില്ല. എന്റെ കളിയിലും പരിശീലനത്തിലും മാത്രമാണ് എന്റെ ശ്രദ്ധ’ ഉസ്മാന് പറഞ്ഞു.
