ഏകദിന ഫോർമാറ്റിലെ രവീന്ദ്ര ജഡേജയുടെ പ്രകടനത്തിൽ ആശങ്കകൾ ഉന്നയിച്ച് മുൻ ഇന്ത്യൻ ക്രിക്കറ്റ് താരം ക്രിസ് ശ്രീകാന്ത്. ഏകദിന മത്സരങ്ങളിൽ ബാറ്റിംഗിനിറങ്ങുമ്പോൾ താൻ എന്താണ് ചെയ്യേണ്ടതെന്ന കാര്യത്തിൽ ജഡേജയ്ക്ക് വലിയ ആശയക്കുഴപ്പമുണ്ടെന്നും ആക്രമിക്കണോ അതോ പ്രതിരോധിക്കണോ എന്നതിൽ സീനിയർ ഓൾറൗണ്ടർ അനിശ്ചിതത്വത്തിലാണെന്നും അദ്ദേഹം പറഞ്ഞു. രാജ്കോട്ടിൽ നടന്ന രണ്ടാം ഏകദിനത്തിൽ ന്യൂസിലൻഡിനോട് ഇന്ത്യ ഏഴ് വിക്കറ്റിന് തോറ്റതിന് ശേഷമാണ് ശ്രീകാന്തിന്റെ പരാമർശം.

ഇന്ത്യയുടെ നിലവിലെ ടീമിന്റെ സന്തുലിതാവസ്ഥയെ ശ്രീകാന്ത് ചോദ്യം ചെയ്യുകയും മൂന്ന് സ്പിന്നർമാരും മൂന്ന് പേസർമാരും ഉൾപ്പെടുന്ന ഒരു ബൗളിംഗ് കോമ്പിനേഷനായി വാദിക്കുകയും ചെയ്തു. ടീമിലെ ബോളിംഗ് ഓൾറൗണ്ടർ ഒരു മീഡിയം പേസർ ആയിരിക്കണം എന്ന ആശയത്തെയും അദ്ദേഹം ചോദ്യം ചെയ്തു.

“ജഡേജ എന്റെ പ്രിയപ്പെട്ടവരിൽ ഒരാളാണ്. പക്ഷേ എന്തുചെയ്യണമെന്ന് അദ്ദേഹത്തിനും അറിയില്ല. ബാറ്റിംഗിന് ഇറങ്ങുമ്പോൾ സിംഗിളുകൾ എടുക്കണോ അതോ വലിയ ഷോട്ടുകൾ കളിക്കണോ എന്ന കാര്യത്തിൽ ജഡേജയ്ക്ക് ഇപ്പോൾ വ്യക്തതയില്ല. സ്ട്രൈക്ക് റൊട്ടേറ്റ് ചെയ്യുന്നതിൽ അദ്ദേഹം പരാജയപ്പെടുന്നു. ഇത് മധ്യ ഓവറുകളിൽ ടീമിനെ സമ്മർദ്ദത്തിലാക്കുന്നു. മൂന്ന് സ്പിന്നർമാരെയും മൂന്ന് പേസർമാരെയും എന്തുകൊണ്ട് കളിപ്പിച്ചുകൂടാ? ബൗളിംഗ് ഓൾറൗണ്ടർ ഒരു മീഡിയം പേസർ മാത്രമായിരിക്കണമെന്ന് ഒരു നിയമമുണ്ടോ?” ‘ചീക്കി ചീക്ക’ എന്ന യൂട്യൂബ് ചാനലിൽ ശ്രീകാന്ത് ചോദിച്ചു.

ഏകദിന സെറ്റിൽ അക്ഷർ പട്ടേലിന്റെ അഭാവത്തെക്കുറിച്ച് മുൻ ഓപ്പണർ കൂടുതൽ എടുത്തുപറഞ്ഞു. വൈറ്റ്-ബോൾ ക്രിക്കറ്റിലെ സ്ഥിരതയാർന്ന പ്രകടനം കണക്കിലെടുത്ത് അദ്ദേഹത്തെ പുനഃസ്ഥാപിക്കുന്നതിനെക്കുറിച്ച് ടീം മാനേജ്‌മെന്റിനോട് ആലോചിക്കണമെന്ന് അദ്ദേഹം ആവശ്യപ്പെട്ടു. രാജ്കോട്ടിൽ ഇന്ത്യയ്ക്ക് ആറാമത്തെ ബോളിംഗ് ഓപ്ഷൻ ഇല്ലായിരുന്നുവെന്നും അക്സർ ആ വിടവ് നികത്തുമായിരുന്നുവെന്നും ശ്രീകാന്ത് ഊന്നിപ്പറഞ്ഞു. ഫോർമാറ്റുകളിലുടനീളം അക്സറിന്റെ സമീപകാല സംഭാവനകളെ ശ്രീകാന്ത് അടിവരയിട്ടു.

“ഹാർദിക് പാണ്ഡ്യയ്ക്ക് പകരക്കാരനെ കണ്ടെത്തുക അസാധ്യമാണ്. നിങ്ങൾക്ക് കഴിയില്ല. ഇന്നത്തെ മത്സരത്തിന് അക്സർ അനുയോജ്യനാകുമായിരുന്നു. ആറാമത്തെ ബോളറെ ഇന്നത്തെ മത്സരത്തിൽ കാണാനില്ല,” അദ്ദേഹം കൂട്ടിച്ചേർത്തു.

Read more

അത് പാടി എയറിലാകുമെന്ന് മമിത പോലും വിചാരിച്ചിട്ടുണ്ടാവില്ല; രണ്ട് ദിവസം മാത്രമാണ് നല്ലവനായ ഉണ്ണി വേഷം ഷൂട്ട് ചെയ്തത്,അതോടെ ഷർവാണി ഇടാൻ കഴിയാതെയായി: പിഷാരടി

യഷിന്റെ 'ടോക്സിക്' ടീസർ വിവാദം; ഇൻസ്റ്റാഗ്രാം അക്കൗണ്ട് ഡിലീറ്റ് ചെയ്ത് നടി

നമ്മളൊക്കെ എത്ര ചെറിയവരാണല്ലേ? എന്ന് ശ്രീനി ചോദിച്ചു, ആ കത്ത് വായിച്ച് ഏങ്ങിയേങ്ങി കരഞ്ഞു; ഓർമക്കുറിപ്പ് പങ്കുവച്ച് സത്യൻ അന്തിക്കാട്

'എന്റെ അച്ഛനമ്മമാർക്കൊപ്പം കാണാൻ പറ്റാത്ത ഒരു സീനുകളും ചെയ്യില്ല'; ടീസർ വിവാദത്തിനിടെ വൈറലായി പഴയ ഇന്റർവ്യൂ; യഷിനെ ട്രോളി ആരാധകർ!

സ്ത്രീകളുടെ സന്തോഷത്തെയും കൺസെന്റിനെയും കുറിച്ച് നാട്ടുകാർ തല പുകയ്ക്കട്ടെ, ഞാൻ ചിൽ ആണ്; വിമര്‍ശനങ്ങളോട് പ്രതികരിച്ച് ​ഗീതു മോഹൻദാസ്

“അക്ഷറിന് മികച്ച റെക്കോർഡുണ്ട്. ചാമ്പ്യൻസ് ട്രോഫി കളിച്ച അദ്ദേഹം വളരെ മികച്ച പ്രകടനം കാഴ്ചവച്ചു. ടി20 ലോകകപ്പ് ഞങ്ങൾക്ക് നേടിത്തന്നു. പക്ഷേ, അദ്ദേഹം എങ്ങുമെത്തിയില്ല. അക്സർ പട്ടേൽ എവിടെ? അദ്ദേഹം എവിടെയാണ്? ടീം കഷ്ടപ്പെടുകയാണ്, ” അദ്ദേഹം പറഞ്ഞു.