ലോർഡ്‌സിൽ ഇംഗ്ലണ്ടിനെതിരായ ഐസിസി വേൾഡ് ടെസ്റ്റ് ചാമ്പ്യൻഷിപ്പ് പരമ്പരയിലെ മൂന്നാം മത്സരത്തിന്റെ നാലാം ദിവസം ഞായറാഴ്ച ഐസിസി പെരുമാറ്റച്ചട്ടത്തിന്റെ ലെവൽ 1 ലംഘിച്ചതിന് ഇന്ത്യൻ ഫാസ്റ്റ് ബൗളർ മുഹമ്മദ് സിറാജിന് മാച്ച് ഫീയുടെ 15 ശതമാനം പിഴ ചുമത്തി.

“ഒരു അന്താരാഷ്ട്ര മത്സരത്തിനിടെ ഒരു ബാറ്റ്‌സ്മാൻ പുറത്താകുമ്പോൾ അവനെ/അവളെ അപമാനിക്കുന്നതോ ആക്രമണാത്മക പ്രതികരണത്തിന് പ്രേരിപ്പിക്കുന്നതോ ആയ ഭാഷ, പ്രവൃത്തികൾ അല്ലെങ്കിൽ ആംഗ്യങ്ങൾ ഉപയോഗിക്കുന്നതുമായി ബന്ധപ്പെട്ട ഐസിസി പെരുമാറ്റച്ചട്ടത്തിലെ ആർട്ടിക്കിൾ 2.5” സിറാജ് ലംഘിച്ചതായി കണ്ടെത്തി.

ഇതിനുപുറമെ, സിറാജിന്റെ അച്ചടക്ക രേഖയിൽ ഒരു ഡീമെറിറ്റ് പോയിന്റ് കൂടി ചേർത്തിട്ടുണ്ട്. 24 മാസത്തിനിടെ ഇത് രണ്ടാമത്തെ കുറ്റമായിരുന്നു. ഇതോടെ 24 മാസത്തിനിടെ അദ്ദേഹത്തിന്റെ ഡീമെറിറ്റ് പോയിന്റുകളുടെ എണ്ണം രണ്ടായി. 2024 ഡിസംബർ 7 ന് അഡ്‌ലെയ്ഡിൽ ഓസ്‌ട്രേലിയയ്‌ക്കെതിരായ രണ്ടാം ടെസ്റ്റിനിടെ സിറാജിന് നേരത്തെ ഡീമെറിറ്റ് പോയിന്റ് ലഭിച്ചിരുന്നു.

Read more

വെറുതേയിരുന്നപ്പോൾ എന്നെത്തേടി വന്ന സിനിമയായിരുന്നു മഹേഷിന്റെ പ്രതികാരം, അതിന് മുമ്പുവരെ അവസരം കിട്ടാൻ വേണ്ടി നടക്കുകയായിരുന്നു : രാജേഷ് മാധവൻ

സിനിമയുടെ ചിത്രീകരണത്തിനിടെ മരണപ്പെട്ട സ്റ്റണ്ട് മാസ്റ്റർ രാജുവിന്റെ മക്കളുടെ പഠനച്ചെലവ് ഏറ്റെടുത്ത് സൂര്യ, കുടുംബത്തിന് ധനസഹായവുമായി ചിമ്പുവും

ഫഫയുടെ 'സിമ്പിൾ' ലൈഫ് ! കാണാൻ ചെറുതാണെന്നേയുള്ളു, ഈ കീപാഡ് ഫോൺ വാങ്ങാൻ വലിയ വില കൊടുക്കണം..

മോഹൻലാൽ ഇനി പോലീസ് യൂണിഫോമിലേക്ക്... ; സംവിധാനം നടൻ ഓസ്റ്റിൻ ഡാൻ തോമസ്

''എന്റെ കാൻസറിനെ കുറിച്ച് നീ വിഷമിക്കേണ്ട, രാജ്യത്തിന് വേണ്ടി നല്ലത് ചെയ്യൂ, നിന്റെ ഓരോ വിക്കറ്റ് നേട്ടവും ഞങ്ങളിവിടെ ആർപ്പുവിളിച്ച് ആഘോഷിക്കുകയാണ്''; ആകാശ് ദീപിന് സഹോദരിയുടെ സന്ദേശം

ഇംഗ്ലണ്ടിന്റെ രണ്ടാം ഇന്നിംഗ്‌സിലെ ആറാം ഓവറിലാണ് സംഭവം നടന്നത്. ഓപ്പണർ ബെൻ ഡക്കറ്റിനെ പുറത്താക്കിയ ശേഷം സിറാജ് പുറത്തായ ബാറ്റ്‌സ്മാനു സമീപം അമിതമായി ആഘോഷിച്ചു. സിറാജ് ഓടിയെത്തി ബാറ്റ്‌സ്മാന്റെ മുഖത്ത് നോക്കി ആഘോഷിച്ചു, “come on” എന്ന് ആവർത്തിച്ച് വിളിച്ചു, തോളിൽ ഒരു ചെറിയ തട്ടും തട്ടിയിരുന്നു.