ഇന്ത്യ-ഇംഗ്ലണ്ട് രണ്ടാം ക്രിക്കറ്റ് ടെസ്റ്റിന്റെ നാലാം ദിനം വിരാട് കോഹ് ലിയും ജയിംസ് ആന്ഡേഴ്സണും തമ്മില് കൊമ്പുകോര്ത്ത സംഭവത്തില് പ്രതികരിച്ച് ഇംഗ്ലീഷ് പേസര് സ്റ്റുവര്ട്ട് ബ്രോഡ്. കോഹ്ലിയുടെ ഭാഷ അദ്ദേഹത്തെ കുരുക്കിലാക്കുമെന്നാണ് ബ്രോഡ് പറഞ്ഞത്.
‘കോഹ്ലിയുടെ വീര്യം ഇഷ്ടമാണ്. പക്ഷെ അയാളുടെ ഭാഷ അദ്ദേഹത്തെ കുരുക്കിലാക്കും’ ബ്രോഡ് ട്വിറ്ററില് കുറിച്ചു. രണ്ടാം ഇന്നിംഗ്സില് ഇന്ത്യ ബാറ്റ് ചെയ്യുന്നതിനിടെ 17-ാം ഓവറിലായിരുന്നു സംഭവം.പൂജാരയ്ക്കെതിരേ ആ ഓവറിലെ നാലാം പന്തെറിഞ്ഞ ശേഷമാണ് ഇരുവരും മൈതാനത്ത് വാക്കുകള് കൊണ്ട് ഏറ്റുമുട്ടിയത്.
ആന്ഡേഴ്സണ് എന്തോ പറഞ്ഞതിനു പിന്നാലെയായിരുന്നു കോഹ്ലി പ്രകോപിതനായത്. പന്തെറിഞ്ഞ് തിരികെ വരികയായിരുന്ന ആന്ഡേഴ്സനോട് ‘നീ വീണ്ടും എന്നെ ചീത്ത വിളിക്കുകയാണോ, ഇത് നിന്റെ വീട്ടുമുറ്റമല്ല’ എന്നായിരുന്നു കോഹ്ലിയുടെ വാക്കുകള്.
Read more
ആന്ഡേഴ്സണ് എപ്പോഴും ചിലച്ചുകൊണ്ടിരിക്കുകയയാണെന്നും പ്രായമായവര് അങ്ങനെയാണെന്നും കോഹ്ലി പറഞ്ഞു. കോഹ്ലിയുടെ വാക്കുകളെല്ലാം സ്റ്റമ്പ് മൈക്ക് ഒപ്പിയെടുക്കുകയും ചെയ്തു.