ഇതിഹാസ താരം സർ വിവിയൻ റിച്ചാർഡ്സിനോടുള്ള വിരാട് കോഹ്ലിയുടെ ആരാധന പരസ്യമായ രഹസ്യമാണ്. ഇപ്പോൾ വീണ്ടും തന്റെ ഇൻസ്റ്റഗ്രാം സ്റ്റോറികളിലൂടെ വിവിയൻ റിച്ചാർഡ്സിനെ പുകഴ്ത്തി പറഞ്ഞിരിക്കുകയാണ് വിരാട് കോഹ്ലി. സച്ചിൻ ടെണ്ടുൽക്കറും വിവിയൻ റിച്ചാർഡ്സുമൊക്കെ അവരുടെ കാലഘട്ടത്തിൽ ബാറ്റിങ്ങിൽ വിപ്ലവം സൃഷ്ടിച്ചുവെന്നാണ് കോഹ്ലി മുമ്പ് പറഞ്ഞത്.
സർ വിവിയൻ റിച്ചാർഡ്സിനൊപ്പം ഈ കാലഘട്ടത്തിൽ അദ്ദേഹം ഐപിഎൽ കളിച്ചിരുന്നുവെങ്കിൽ അദ്ദേഹത്തെ വെല്ലാൻ മറ്റാരും ഉണ്ടാവില്ലെന്നായിരുന്നു കോഹ്ലിയുടെ ഏറ്റവും പുതിയ പരാമർശം. ടി20 ക്രിക്കറ്റിന്റെ കളിരീതികളെക്കുറിച്ച് സർ വിവിയൻ റിച്ചാർഡ്സ് സംസാരിക്കുന്ന ഒരു വീഡിയോ കോഹ്ലി തന്ർറെ ഇൻസ്റ്റഗ്രാം സ്റ്റോറിയായി പോസ്റ്റ് ചെയ്തിരുന്നു. ടി20 മത്സരങ്ങൾ കളിക്കുന്നത് തനിക്ക് ഏറെ ഇഷ്ടമാണെന്ന് സർ വിവിയൻ റിച്ചാർഡ്സ് വീഡിയോയിൽ പറയുന്നുണ്ട്.
ഐപിഎല്ലിനെ പറ്റിയുള്ള വിവിയൻ റിച്ചാർഡ്സിന്ർറെ വീക്ഷണങ്ങളുള്ള വീഡിയോ ക്ലിപ്പിന് “ദ ബോസ്” എന്ന് റിച്ചാർഡ്സിനെ വിശേഷിപ്പിച്ചാണ് കോഹ്ലി ഷെയർ ചെയ്തത്.സർ വിവിയൻ റിച്ചാർഡ്സ് ഐപിഎൽ കളിച്ചിരുന്നുവെങ്കിൽ എന്തായിരിക്കും പെർഫോമൻസ് എന്നാണ ് വീഡിയോ ഏറ്റെടുത്ത ആരാധകരും അഭിപ്രായപ്പെടുന്നത്.
Read more
കോഹ്ലിയും വിവിയൻ റിച്ചാർഡ്സും ഒരുമിച്ച് ഒരുമിച്ച് ഒരു മാച്ചുണ്ടായാൽ എങ്ങിനെയെന്നും ആരാധകർ സോഷ്യൽ മീഡിയയിൽ ചർച്ച ചെയ്യുന്നുണ്ട്. എക്കാലത്തേയും മികച്ച ബാറ്റർമാരിലൊരാളായ വിവിയൻ റിച്ചാർഡ്സ് റെക്കോർഡുകളുടെ കളിത്തോഴൻ കൂടിയാണ്.
