നമ്മൾ ചിലപ്പോൾ അങ്ങനെയാണ്, നമ്മുടെ ഇഷ്ട താരങ്ങളുടെ നേട്ടങ്ങൾ ആഘോഷിക്കുന്നതിനിടെ ചിലപ്പോൾ ചില നേട്ടങ്ങൾ കാണാതെ പോകും. കോഹ്ലിയെയും രോഹിത്തിനെയും ധോണിയേയും അവരുടെ ചെറുതും വലുതുമായ നേട്ടങ്ങളും ആഘോഷിക്കുന്ന നമ്മൾ ആഘോഷിക്കും അവർക്കായി സ്റ്റാറ്റസ് ഇടും, സോക്കൽ മീഡിയയിൽ പോസ്റ്റ് ഇടും. അതെ സമയം ചില പ്രമുഖാരല്ലാത്ത താരങ്ങളുടെ നേട്ടങ്ങൾ നമ്മൾ മനപ്പൂർവം കണ്ടില്ലെന്ന് നടിക്കും.
അത്തരത്തിൽ പ്രമുഖനല്ലാത്ത ഒരു താരമായതുകൊണ്ട് ആരുടേയും അഭിനന്ദനങൾ കിട്ടാതെ പോയവർ നിരവധിയാണ്. അതിൽ പ്രധാനിയാണ് നിതീഷ് റാണാ, ഇന്നലെ നടന്ന ഹൈദരാബാദ് – കൊൽക്കത്ത മത്സരത്തിലാണ് താരം അവസാന ഓവറുകളിൽ മികച്ച ക്യാപ്റ്റൻസി കൊണ്ട് ഞെട്ടിച്ചത്. ഹൈദരാബാദിന് 30 പന്തുകളിൽ 38 റൺസ് ജയിക്കാൻ വേണ്ട സമയത്താണ് നിതീഷ് എന്ന നായകന്റെ ഉള്ളിലെ ചാണക്യ തന്ത്രജ്ഞനെ ക്രിക്കറ്റ് ലോകം കണ്ടത്.
തന്റെ ബോളറുമാരെ ബുദ്ധിപരമായി ഉപയോഗിച്ച താരം 5 ഓവറുകളിൽ താരതമ്യേന വളരെ എളുപ്പമായ 38 റൺസ് പ്രതിരോധിച്ചു. അവസാനം ടീം 5 റൺസിന് വിജയവര കടന്നപ്പോൾ ആരാധകർ വിജയത്തിൽ സന്തോഷിച്ചെങ്കിലും ആ നായക മികവിനെ പുകഴ്ത്തിയില്ല.
Read more
മത്സരത്തിലേക്ക് വന്നാൽ കൊല്ക്കത്ത മുന്നോട്ടുവെച്ച 172 റണ്സ് വിജയലക്ഷ്യം പിന്തുടർന്ന സണ്റൈസേഴ്സ് ഒരവസരത്തില് ജയമുറപ്പിച്ചതാണെങ്കിലും 20 ഓവറില് 8 വിക്കറ്റ് നഷ്ടപ്പെടുത്തി 166 റണ്സെടുക്കാനേയായുള്ളൂ.