ചെന്നൈയ്‌ക്കെതിരായ മത്സരത്തില്‍ മികച്ച പ്രകടനം പുറത്തെടുത്തിട്ടും ശിഖര്‍ ധവാന് അര്‍ഹമായ പ്രശംസ കിട്ടാത്തതിനെ വിമര്‍ശിച്ച് ആകാശ് ചോപ്ര പറഞ്ഞിരുന്നു . മോശം സാഹചര്യത്തിലും ധവാന് മികച്ച പ്രകടനമാണ് കാഴ്ചവെച്ചതെന്നും അദ്ദേഹത്തിന്റെ പ്രകടനങ്ങള്‍ ഒരുകാലത്തും അംഗീകരിക്കപ്പെടുന്നില്ലെന്നും ചോപ്ര ചൂണ്ടിക്കാട്ടി. ഇപ്പോഴിതാ ആകാശിന്റെ പിന്നാലെ ധവാനെക്കുറിച്ച് അഭിപ്രായം പറഞ്ഞിരിക്കുകയാണ് മുഹമ്മദ് കൈഫ്.
” ധോണി തലയാണെങ്കിൽ കോഹ്ലി രാജാവാണ്. അപ്പോൾ ശിഖറോ. സമ്മർദങ്ങൾക്കൊക്കെ ഇടയിൽ 6000 ഐ.പി.എൽ റൺസാണ് അയാൾ തികച്ചത്. അദ്ദേഹത്തെ ടി 20 ലോകകപ്പ് കളിപ്പിക്കണം. ഞാൻ സെലക്ടറായിരുന്നെങ്കിൽ ഉറപ്പായും അദ്ദേഹത്തെ ടീമിലെടുക്കുമായിരുന്നു”- കൈഫ് കുറിച്ചു..
ചെന്നൈ സൂപ്പര്‍ കിങ്‌സിനെതിരായ പോരാട്ടത്തില്‍ പഞ്ചാബിന് മികച്ച സ്‌കോര്‍ സമ്മാനിച്ചത് വെറ്ററന്‍ താരം ശിഖര്‍ ധവാന്റെ നിര്‍ണായക ബാറ്റിങായിരുന്നു. 59 പന്തില്‍ ഒന്‍പത് ഫോറും രണ്ട് സിക്‌സും സഹിതം ധവാന് 88 റണ്‍സുമായി പുറത്താകാതെ നിന്നു. ഒരു അപൂര്‍വ നേട്ടവും ധവാന്‍തന്റെ പേരില്‍ കുറിച്ചിരുന്നു . ഐപിഎല്ലില്‍ ആറായിരം റണ്‍സ് നേടുന്ന രണ്ടാമത്തെ മാത്രം താരമെന്ന റെക്കോര്‍ഡാണ് വെറ്ററന്‍ താരം സ്വന്തം പേരില്‍ കുറിച്ചത്. ധവാന് മുന്‍പ് വിരാട് കോഹ്ലി മാത്രമാണ് നേട്ടത്തിലെത്തിയ ഏക താരം.
Read more
ട്വന്‍റി 20യിൽ 9000 റൺസ് ക്ലബ്ബിൽ കോലിക്കും രോഹിത്തിനും ശേഷം ഇടംപിടിക്കാനും ധവാനായി. ഐപിഎല്ലില്‍ ഏറ്റവും കൂടുതൽ ബൗണ്ടറി നേടിയ ബാറ്റര്‍ ധവാനാണ്. 675 ബൗണ്ടറികള്‍. 52 അര്‍ധസെഞ്ചുറി നേടിയ ഡേവിഡ് വാര്‍ണറിന് ശേഷം രണ്ടാം സ്ഥാനത്ത് ധവാന് നില്‍ക്കുന്നു. 45 ഫിഫ്റ്റികളാണ് ധവാന്റെ പേരിലുള്ളത്.
