2025 ലെ ഐസിസി ചാമ്പ്യൻസ് ട്രോഫിയിൽ പ്ലെയർ ഓഫ് ദി സീരീസ് അവാർഡിന് ന്യൂസിലാൻഡിന്റെ രചിൻ രവീന്ദ്ര ന്യായമായ തിരഞ്ഞെടുപ്പല്ലെന്ന് മുൻ ഇന്ത്യൻ ക്രിക്കറ്റ് താരം രവിചന്ദ്രൻ അശ്വിൻ പറഞ്ഞു. രവീന്ദ്ര തന്റെ ഓൾറൗണ്ട് പ്രകടനത്തിലൂടെ മികവ് കാണിച്ചെങ്കിലും, ഇന്ത്യയുടെ നിഗൂഢ സ്പിന്നർ വരുൺ ചക്രവർത്തിയാണ് ടൂർണമെന്റിലെ ഏറ്റവും മികവ്ക കാണിച്ച ളിക്കാരൻ എന്ന് അശ്വിൻ കരുതുന്നു.
ദുബായിൽ ഞായറാഴ്ച നടന്ന അവസാന മത്സരത്തിൽ ന്യൂസിലാൻഡിനെതിരെ ആവേശകരാമായ പോരാട്ടത്തിൽ മികച്ച വിജയത്തോടെ ഇന്ത്യ അവരുടെ മൂന്നാം ചാമ്പ്യൻസ് ട്രോഫി കിരീടം നേടി, ടൂർണമെന്റിലുടനീളം തോൽവിയറിയാതെ. ചക്രവർത്തിയുടെ പ്രകടനങ്ങൾ ഇന്ത്യയുടെ വിജയത്തിൽ നിർണായക പങ്ക് വഹിച്ചതായും, അദ്ദേഹത്തെ പ്ലെയർ ഓഫ് ദി സീരീസ് ബഹുമതിക്ക് കൂടുതൽ യോഗ്യനാക്കിയതായും അശ്വിൻ പറയുന്നു.
“എന്ത് പറഞ്ഞാലും ചെയ്താലും, എന്റെ അഭിപ്രായത്തിൽ ടൂർണമെന്റിലെ താരം വരുൺ ചക്രവർത്തിയായിരുന്നു. അദ്ദേഹം മുഴുവൻ ടൂർണമെന്റും കളിച്ചില്ല, എന്നിട്ടും അദ്ദേഹം വലിയൊരു മാറ്റമുണ്ടാക്കി. വരുൺ ചക്രവർത്തി ഇല്ലായിരുന്നുവെങ്കിൽ, ഫൈനൽ വളരെ വ്യത്യസ്തമാകുമായിരുന്നു എന്ന് ഞാൻ കരുതുന്നു. അദ്ദേഹം ആ എക്സ്-ഫാക്ടറും പുതുമയുള്ള ഘടകവും കൊണ്ടുവന്നു. ഞാൻ ആണ് തീരുമാനം എടുക്കുന്ന ആളെങ്കിൽ, അത് വരുണിന് നൽകുമായിരുന്നു. അദ്ദേഹമായിരുന്നു ഏറ്റവും വലിയ വ്യത്യാസം,” അദ്ദേഹം പറഞ്ഞു.
ഫൈനലിൽ ചക്രവർത്തിയുടെ മാച്ച് വിന്നിംഗ് സ്പെല്ലിനെ അശ്വിൻ പ്രത്യേകം അഭിനന്ദിച്ചു, അവിടെ അദ്ദേഹം ഗ്ലെൻ ഫിലിപ്പിനെ പുറത്താക്കിയ രീതിയെക്കുറിച്ചും പറഞ്ഞു. “ഗ്ലെൻ ഫിലിപ്പ്സിനെ അദ്ദേഹം എങ്ങനെ പുറത്താക്കിയെന്ന് നോക്കൂ. അദ്ദേഹം സ്റ്റമ്പ് കവർ ചെയ്തിരുന്നില്ല, അതിനാൽ വരുൺ ക്രീസിന് പുറത്തേക്ക് പോയി ആ ഗൂഗ്ലി എറിഞ്ഞു. എന്റെ അഭിപ്രായത്തിൽ, വരുണാണ് പ്ലെയർ ഓഫ് ദ സീരീസ്. ഏറ്റവും വലിയ വ്യത്യാസം വരുത്തിയ ഒരാൾക്ക് അവാർഡ് നൽകണം,” അശ്വിൻ ആവർത്തിച്ചു.
അതേസമയം കൊൽക്കത്തയുടെ ഭാഗമായി വരുൺ കളത്തിൽ ഇറങ്ങുമ്പോൾ ചെന്നൈയുടെ ഭാഗമായി അശ്വിൻ ഇത്തവണ ഇന്ത്യൻ പ്രീമിയർ ലീഗിൽ ഉണ്ടാകും .
Read more
