ഓസ്ട്രേലിയക്കെതിരെ നടന്ന പരമ്പരയ്ക്കിടെ ഗുരുതരമായ പരിക്കേറ്റത്തിന് ശേഷം താൻ നേരിട്ട വെല്ലുവിളികളെ കുറിച്ചും മനസുതുറന്ന് ഇന്ത്യൻ താരവും ഐപിഎല്ലിൽ പഞ്ചാബ് കിംഗ്സ് ക്യാപ്റ്റനുമായ ശ്രേയസ് അയ്യർ. ഗുരുതരമായ പരിക്കിന് ശേഷം തനിക്ക് ഏഴ് കിലോ ഭാരക്കുറവ് ഉണ്ടായെന്നും, ഭാരം വീണ്ടെടുക്കാന് വളരെയധികം കഷ്ടപ്പെട്ടെന്നും അദ്ദേഹം പറഞ്ഞു.
‘പരിക്കിന് ശേഷം തിരിച്ചുവരുകയെന്നത് എപ്പോഴും വലിയ വെല്ലുവിളിയാണ്. ഓസ്ട്രേലിയന് പരമ്പരയിലുണ്ടായ ഗുരുതരമായ പരിക്കിന് ശേഷം എനിക്ക് ഏഴ് കിലോ കുറഞ്ഞു, ഭാരം വീണ്ടെടുക്കാന് വളരെയധികം കഷ്ടപ്പെട്ടു’
Read more
‘രണ്ട് മാസത്തിന് ശേഷം ശാരീരികക്ഷമത വീണ്ടെടുക്കാൻ സാധിച്ചു. എന്നാൽ നഷ്ടപ്പെട്ട 7 കിലോ ഭാരം തിരികെ കൊണ്ടുവരുന്നത് അത്ര എളുപ്പമായിരുന്നില്ല. പക്ഷേ വെല്ലുവിളികള് എനിക്ക് ഇഷ്ടമാണ്, എനിക്ക് വേണ്ടത് നേടാന് കഴിഞ്ഞതില് എനിക്ക് സന്തോഷമുണ്ട്. ആ മോശം ഘട്ടത്തെ അതിജീവിച്ച് വീണ്ടും എന്റെ ടീമിനെ പ്രതിനിധീകരിക്കാൻ എത്തിയതിൽ ഞാൻ അഭിമാനിക്കുന്നു’, ശ്രേയസ് അയ്യർ വ്യക്തമാക്കി.
