ചൊവ്വാഴ്‌ച ഗുവാഹത്തിയിൽ ആരംഭിക്കുന്ന ശ്രീലങ്കയ്‌ക്കെതിരായ ഏകദിന പരമ്പരയിൽ ശുഭ്‌മാൻ ഗില്ലിനൊപ്പംതാൻ തന്നെ ഓപ്പൺ ചെയ്യുമെന്ന് നായകൻ രോഹിത് ശർമ്മ സ്ഥിരീകരിച്ചു, അതിന്റെ അർത്ഥം ബംഗ്ലാദേശിനെതിരായ ഇരട്ട സെഞ്ചുറി നേടിയ ഇഷാൻ കിഷൻ കളിക്കില്ലെന്നാണ്. അടുത്തിടെ ഇഷാൻ കിഷന്റെ മികച്ച പ്രകടനത്തെ പ്രശംസിച്ച് സംസാരിച്ച നായകൻ പറയുന്നത് ഗില്ലിന് കൂടുതൽ അവസരങ്ങൾ ടോപ് ഓർഡറിൽ കിട്ടണമെന്നാണ്.
ശ്രീലങ്കയ്‌ക്കെതിരായ ഏകദിന പരമ്പരയിൽ ശിഖർ ധവാനെ ഒഴിവാക്കിയതോടെ ഓപ്പണിംഗ് വിക്കറ്റിൽ രോഹിതിനൊപ്പം ആര് ഇറങ്ങുമെന്നാണ് ഇനി അറിയാനുള്ളത്. അതിൽ തന്നെ ഗില്ലിനാണ് കൂടുതൽ സാധ്യത എന്നുതന്നെയാണ് നായകന്റെ വാക്കുകൾ സൂചിപ്പിക്കുന്നത്.
പരമ്പരയുടെ തലേന്ന് നടത്തിയ പത്രസമ്മേളനത്തിലാണ് സസ്‌പെൻസ് അവസാനിപ്പിച്ചത്. രണ്ട് യുവതാരങ്ങളിൽ ആരാണ് തന്നോടൊപ്പം ഇന്നിംഗ്‌സ് ഓപ്പൺ ചെയ്യുക എന്ന ചോദ്യത്തിന് ക്യാപ്റ്റൻ മറുപടി പറഞ്ഞു:
“രണ്ട് ഓപ്പണർമാരും മികച്ച പ്രകടനം കാഴ്ചവച്ചു. എന്നാൽ ഇരുവരും ഈ കാലയളവിലുള്ള പരമ്പരകളിൽ എങ്ങനെ തിളങ്ങിയെന്ന് നോക്കുമ്പോൾ, ഗില്ലിന് തന്നെ ഇന്ന് ചാൻസ് നൽകും. കാരണം അവൻ നല്ല രീതിയിലാണ് അവസാന മത്സരങ്ങളിലെല്ലാം കളിച്ചത്.”
Read more
“ഇഷാനെ വിലകുറച്ച് കാണുന്നില്ല, അവൻ നേടിയ ഇരട്ട സെഞ്ചുറി അത്രയും മികച്ചതായിരുന്നു, അത് ഒരു വലിയ നേട്ടമാണ്, പക്ഷെ സത്യസന്ധമായി പറഞ്ഞാൽ ഗില്ലിനാണ് ഇന്ന് അവസരം അർഹിക്കുന്നത്.”
