സച്ചിൻ ബേബി – കേരളത്തിന്റെ രഞ്ജി മത്സരങ്ങൾ നടക്കുമ്പോൾ ആയിരിക്കും പലരും ഈ പേര് കൂടുതൽ ശ്രദ്ധിക്കുക. രഞ്ജി ട്രോഫിയിൽ കേരളത്തിന് വേണ്ടി മോശമല്ലാത്ത രീതിയിൽ കളിക്കുന്ന താരം എന്നതു ഉപരി പലപ്പോഴും സച്ചിനെ ക്രിക്കറ്റ് പ്രേമികൾ അങ്ങനെ ഇങ്ങനെ ഒന്നും അനുസ്മരിക്കാറില്ല എന്നതാണ് സത്യം.
എന്നാൽ സഞ്ജുവിനേക്കാൾ കേരള ക്രിക്കറ്റിന് ഏറ്റവും ഉപകാരപ്പെടുന്ന താരമാണ് സച്ചിൻ ബേബി എന്നത് കണക്കുകൾ നോക്കിയാൽ വ്യതമാകും. ഇന്ത്യൻ പ്രീമിയർ ലീഗ് പോലെ വളരെ ആരാധക പിന്തുണയുള്ള ലീഗിൽ രാജസ്ഥാൻ ടീമിന്റെ നായകൻ എന്ന നിലയിലേക്ക് വളർന്ന സഞ്ജുവിന്റെ യാത്രയെ ഒരിക്കലും വിലകുറച്ച് കാണുന്നില്ല. എന്നാൽ കേരള ക്രിക്കറ്റ് എന്നത് പറയുമ്പോൾ അവിടെ സച്ചിൻ ബേബി എന്ന നക്ഷത്രം കൂടിയുണ്ടെന്ന് ആരാധകർ ഇടയ്ക്കിടെ ഓർക്കുന്നത് നല്ലത് ആയിരിക്കുമെന്നാണ് തോന്നുന്നത്.
ഈ സീസണിൽ കേരളത്തിന്റെ ഇതുവരെയുള്ളരഞ്ജി ട്രോഫി മത്സരങ്ങളിലെ സച്ചിന്റെ പ്രകടനം ഇങ്ങനെയാണ്. ഇതുവരെ ആറു മൽസരങ്ങളിലായി 10 ഇന്നിങ്സുകളിലാണ് സച്ചിൻ ബാറ്റ് ചെയ്തത്. ഇവയിൽ നിന്നും 83.25 ശരാശരിയിൽ 666 റൺസ് വാരിക്കൂട്ടുകയും ചെയ്തു. ഇത് സഞ്ജുവിനേക്കാൾ ഒരുപാട് കൂടുതൽ എന്നതാണ് ശ്രദ്ധിക്കേണ്ട കാര്യം. സഞ്ജുവിന് നേടാൻ സാധിച്ചത് 4 മത്സരങ്ങളിൽ നിന്ന് 177 റൺസാണ്. തന്റെ കഴിവിനൊത്ത പ്രകടനം പുറത്തെടുക്കാൻ അയാൾക്ക് പറ്റിയില്ല എന്നത് സത്യം.
Read more
എന്തയാലും സച്ചിൻ ബേബി ഈ സ്ഥിരതയുള്ള പ്രകടനം തുടർന്നാൽ ഇന്ത്യയുടെ ടെസ്റ്റ് ടീമിൽ എങ്കിലും സ്ഥാനം ഉറപ്പിക്കുന്നു എന്നതാണ് യാഥാർഥ്യം.
