ദക്ഷിണാഫ്രിക്കക്കെതിരെ അഞ്ച് മത്സരങ്ങളുടെ ട20 പരമ്പര കളിക്കുകയാണ് ഇന്ത്യ. സീനിയര് താരങ്ങള്ക്ക് വിശ്രമം അനുവദിച്ച പരമ്പരയില് റിഷഭ് പന്തിന്റെ നേത്യത്വത്തിലാണ് ഇന്ത്യന് ടീം കളിക്കുന്നത്. രോഹിത് ശര്മ്മയ്ക്ക് വിശ്രമം അനുവദിക്കുകയും പിന്നീട് നായകനാകേണ്ട കെഎല് രാഹുലിന് പരിക്കേറ്റ് പരമ്പര നഷ്ടമായ സാഹചര്യത്തിലാണ് പന്തിലേക്ക് നായകത്വം എത്തിയത്.
എന്നാല് പന്തിന് കീഴില് ദയനീയ പ്രകടനമാണ് ഇന്ത്യ കാഴ്ചവയ്ക്കുന്നത്. പരമ്പരയിലെ രണ്ട് മത്സരങ്ങള് പൂര്ത്തിയാകുമ്പോള് ഇന്ത്യ രണ്ടിലും തോറ്റ് 2-0ന് പിന്നിലാണ്. ഇപ്പോഴിതാ പന്തിനെയല്ല ഹാര്ദ്ദിക് പാണ്ഡ്യയെയായിരുന്നു ഇന്ത്യ നായകനാക്കേണ്ടിയിരുന്നെന്ന് അഭിപ്രായപ്പെട്ടിരിക്കുകയാണ് ഓസീസ് മുന് താരം ബ്രാഡ് ഹോഗ്.
‘ഐപിഎല്ലില് പാണ്ഡ്യ തന്റെ മികവ് തെളിയിച്ചു കഴിഞ്ഞു. പാണ്ഡ്യ ഇന്ത്യന് ടീമിനെ നയിക്കണമായിരുന്നു. ടീമിനെ കരുത്തോടെ മുന്നില് നിന്നും നയിക്കാന് പാണ്ഡ്യയ്ക്ക് സാധിക്കും. നിലവില് ലോകത്തെ ഏറ്റവും മൂല്യമേറിയ ടി20 കളിക്കാരനാണവന്’ ഹോഗ് പറഞ്ഞു.
‘ആദ്യ പന്തു തന്നെ ബൗണ്ടറിയടിച്ച് തുടങ്ങുന്നത് അത്രയധികം കളിക്കാര്ക്ക് സാധിക്കുന്ന കാര്യമല്ല. മാത്രവുമല്ല നേരത്തെ വിക്കറ്റ് വീഴുകയാണെങ്കില് ബാറ്റിംഗ് പൊസിഷനില് മുകളില് കയറി ഉത്തരവാദിത്വത്തോടെ കളിക്കാനും പാണ്ഡ്യയ്ക്ക് സാധിക്കും’ ഹോഗ് പറഞ്ഞു.
Read more
ഐപിഎല് 15-ാം സീസണില് ഏറ്റവുമധികം പ്രശംസ നേടിയ കളിക്കാരില് ഒരാളാണ് ഹാര്ദിക്. ഗുജറാത്ത് ടൈറ്റന്സിന്റെ നായകനായി കന്നി സീസണില് തന്നെ ടീമിനെ കിരീടനേട്ടത്തിലെത്തിക്കാന് പാണ്ഡ്യക്കായിരുന്നു. ബാറ്റുകൊണ്ടും ബോളുകൊണ്ടും ഐപിഎല്ലില് മികച്ചുനിന്ന താരത്തിന് മുന്നില് ഏറെ നാളുകള്ക്ക് ശേഷം ഇന്ത്യ ടീമിന്റെ വാതില് തനിയെ തുറപ്പെട്ടു.