ഡല്‍ഹി ക്യാപിറ്റല്‍സിന് റിഷഭ് പന്തും ശ്രേയസ് അയ്യരുമല്ലാതെ അടുത്ത സീസണില്‍ മറ്റൊരു നായകനെ നിര്‍ദേശിച്ച് ഗൗതം ഗംഭീര്‍. സ്ര്‌റാര്‍ സ്പിന്നര്‍ ആ.അശ്വിനെ ഡല്‍ഹി നായകനാക്കണമെന്നാണ് ഗംഭീര്‍ പറയുന്നത്.
‘ഞാന്‍ അശ്വിന്റെ വലിയൊരു ഫാനാണ്. ലോകത്തിലെ ഏറ്റവും മികച്ച സ്പിന്നര്‍മാരില്‍ ഒരാളാണ് അദ്ദേഹം. ഇതു നിങ്ങള്‍ക്കു വിചിത്രമായി തോന്നിയേക്കാം. ഒരു പക്ഷെ ഞാന്‍ മാത്രമായിരിക്കാം ഇങ്ങനെ ചിന്തിക്കുന്നത്. അടുത്ത വര്‍ഷം ഡല്‍ഹി ക്യാപ്പിറ്റല്‍സിന്റെ ക്യാപ്റ്റനായി അശ്വിന്‍ വരണമെന്നാണ് എന്റെ ആഗ്രഹം’ ഗംഭീര്‍ പറഞ്ഞു.
Read more
ഐപിഎല്ലില്‍ നേരത്തെ പഞ്ചാബ് കിംഗ്‌സിന്റെ നായകനായിരുന്നു അശ്വിന്‍. ഈ സീസണില്‍ ഡല്‍ഹിക്കായി അത്ര മികച്ച പ്രകടനമായിരുന്നില്ല അശ്വിന്റേത്. അതുകൊണ്ടു തന്നെ അടുത്ത സീസണില്‍ അദ്ദേഹത്തെ ഡിസി നിലനിര്‍ത്താനുള്ള സാധ്യതയും കുറവാണ്. 13 മല്‍സരങ്ങളില്‍ നിന്നും 47 എന്ന മോശം ശരാശരിയില്‍ ഏഴു വിക്കറ്റുകള്‍ മാത്രമാണ് അശ്വിന്‍ വീഴ്ത്തിയത്.
