Lawrence Blooming Blossom
ആർസിബി ഇത്രയും നാൾ കപ്പ് അടിക്കാത്തതിന്റെ പ്രധാന കാരണം ആർസിബിക്ക് മികച്ച ഒരു ഇന്ത്യൻ കോർ ഇല്ലാത്തതാണ്. ആദ്യകാലങ്ങളിൽ ബോളിംഗിന് പോലും നല്ലയൊരു ഇന്ത്യൻ പ്ലെയർ ഇല്ലായിരുന്നു… ഇപ്പോൾ മരുന്നിനു ഒരു സിറാജിക്ക ഉണ്ട്.
ഇന്ത്യൻ പ്രീമിയർ ലീഗിൽ കപ്പ് എടുത്ത ടീമുളെ നോക്കുക. ഒന്നാം സീസണിലെ രാജസ്ഥാൻ ഉൾപ്പെടെ എടുത്ത് നോക്കിയാൽ.. ക്യാപ്പ്ഡ് ആൻഡ് അൺക്യാപ്പ്ഡ് ഇന്ത്യൻ കളിക്കാരുടെ ധാരാളിത്തം ഉണ്ട്. മുംബൈ എടുത്താൽ രോഹിത്, പാണ്ഡ്യ സഹോദരങ്ങൾ, സൂര്യകുമാർ, ഇഷാൻ കിഷൻ, ബുമ്ര, എന്നിവർ ഉണ്ടായിരുന്നു. ചെന്നൈ എടുത്താൽ ജഡേജ, റൈന,ധോണി, റായ്ഡു, ദീപക് ചാഹാർ, മോഹിത് ശർമ എന്നിവർ ഉണ്ടായിരുന്നു. കൊൽക്കത്തയിൽ ഗംഭീർ, തൃപ്പാതി, മനീഷ് പാണ്ഡെ എന്നിവരുണ്ട്.
അവർക്കെല്ലാം സ്റ്റാർ വിദേശ താരങ്ങൾ ഉണ്ട്. പ്രത്യേകിച്ചു മുംബൈ, ചെന്നൈ, കൊൽക്കത്ത ടീമുകളിൽ. പക്ഷെ അവർക്കൊപ്പമോ മുകളിലോ നിൽക്കുന്ന ഇന്ത്യൻ കളിക്കാരും ഉണ്ട്. ആദ്യം മുതൽ തന്നെ ആർസിബിയിൽ ഒരു കോഹ്ലി ഉണ്ട്.. ബാക്കി എല്ലാ ആർസിബി സ്റ്റാർസും വിദേശികൾ ആയിരുന്നു… ഗെയ്ൽ, എബിഡി , മാക്സി, ഫാഫ് അങ്ങനെ എത്രയോ പേര്.
ആർസിബി ടാലെന്റ്റ് സ്കൗട്ട്ടിങ് വൻ ശോകമാണ്. മൈക്ക് ഹെസനെ മാറ്റണം. ഡോമെസ്റ്റിക് രഞ്ജി ടീമുകളുടെ കോച്ചുമാർ RCB മാനേജ്മെന്റിന്റെ തലപത്തു വരണം. എന്നാലേ ഒരു മാറ്റം ഉണ്ടാവു. ഡോമെസ്റ്റിക് സർക്കിളിൽ നിന്നും കളിക്കാരെ കണ്ടെത്തുക. അല്ലെങ്കിൽ ഇച്ചിരി പ്രായം കൂടി പോയെങ്കിലും നന്നായി കളിക്കാൻ സാധ്യത ഉള്ള കളിക്കാരെ കൂടെ നിർത്തുക. രഹാനെ, റായ്ഡു പോലെയുള്ളവരെ പിടിക്കുക. ലേലത്തിനു പോകുമ്പോൾ നല്ലൊരു പ്ലാനിൽ പോവുക.
ഡ്രീം 11 കളിക്കുന്ന പിള്ളേർക്ക് പലപ്പോഴും ആർസിബി കളിക്കാൻ ഇറക്കുന്ന കളിക്കാരെക്കാൾ നല്ല ടീം ഇടാൻ അറിയാം എന്നു പറയുന്നിടത്തു മനസിലാക്കാം ആ ടീമിന്റെ പോരായ്മകൾ. ക്യാപ്റ്റൻ ആയ കോഹ്ലിയുടെ പിടിപ്പ് കേടുകൊണ്ടല്ല അവർ കപ്പ് അടിക്കാത്തത്… മാനേജ്മെന്റിന്റെയും ടാലെന്റ്റ് സ്കൗട്ട്സ്സിന്റെയും കുഴപ്പം കൊണ്ടാണ്. സാക്ഷാൽ ധോണിയോ രോഹിത്തോ ക്യാപ്റ്റൻ ആയി വന്നാലും. ഈ ആർസിബി ടീം കപ്പ് അടിക്കില്ല.
Read more
കടപ്പാട്: മലയാളി ക്രിക്കറ്റ് സോൺ
