ഇന്ത്യന്‍ ക്രിക്കറ്റ് ടീം മുന്‍ നായകനും നിലവിലെ മുഖ്യ പരിശീലകനുമായ രാഹുല്‍ ദ്രാവിഡ് യുവമോര്‍ച്ചയുടെ ധരംശാലയില്‍ നടക്കുന്ന ദേശീയ വര്‍ക്കിംഗ് കമ്മിറ്റിയില്‍ പങ്കെടുക്കുമെന്ന് ധരംശാല എംഎല്‍എ വിശാല്‍ നെഹ്‌റിയ. ബിജെപിയുടെ യുവജന വിഭാഗം സംഘടനയാണ് യുവമോര്‍ച്ച. ഈ മാസം 12 മുതല്‍ 15 വരെയാണ് വര്‍ക്കിംഗ് കമ്മിറ്റി നടക്കുന്നത്.
‘ധരംശാലയില്‍ 12 മുതല്‍ 15 വരെ യുവമോര്‍ച്ചയുടെ ദേശീയ വര്‍ക്കിങ് കമ്മിറ്റി നടക്കും. ഇന്ത്യന്‍ ക്രിക്കറ്റ് താരം രാഹുല്‍ ദ്രാവിഡും യോഗത്തിനുണ്ടാകും. ദ്രാവിഡിന്റെ വിജയം യുവാക്കള്‍ക്കു മികച്ച സന്ദേശം തന്നെ നല്‍കും. രാഷ്ട്രീയത്തില്‍ മാത്രമല്ല, മറ്റു മേഖലകളിലും നമുക്കു മുന്നേറാനാകും എന്നതാകും സന്ദേശം’ നെഹ്‌റിയ പറഞ്ഞു.
Read more
എന്നാല്‍ ഇക്കാര്യം ബിസിസിഐ തള്ളി. രാഹുല്‍ ദ്രാവിഡ് തന്നെ വിളിച്ചിരുന്നെന്നും, ആ വാര്‍ത്ത തെറ്റാണെന്നു പറഞ്ഞെന്നും ബിസിസിഐ മീഡിയ മാനേജര്‍ മൗളിന്‍ പരീഖ് അറിയിച്ചതായി ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്തിട്ടുണ്ട്.
