അന്താരാഷ്ട്ര ക്രിക്കറ്റിലും ഇന്ത്യൻ പ്രീമിയർ ലീഗിലും എംഎസ് ധോണി തനിക്ക് നൽകിയ പിന്തുണയ്ക്ക് ഹാർദിക് പാണ്ഡ്യ പലപ്പോഴും മുൻ ഇന്ത്യൻ നായകന് ക്രെഡിറ്റ് നൽകിയിട്ടുണ്ട്. വാങ്കഡെ സ്റ്റേഡിയത്തിൽ മുംബൈയും ചെന്നൈ സൂപ്പർ കിംഗ്‌സും തമ്മിലുള്ള ഐപിഎൽ 2024 മത്സരത്തിൽ ടോസ് നടക്കുന്നതിന് മുമ്പ് അദ്ദേഹം വെറ്ററൻ ക്രിക്കറ്റ് താരത്തെ കണ്ടു. ഹാർദിക് ധോണിയെ കണ്ട ഉടനെ അദ്ദേഹത്തെ ആലിംഗനം ചെയ്യുന്ന വീഡിയോ സോഷ്യൽ മീഡിയ ഏറ്റെടുത്തിരിക്കുകയാണ്.
ധോണിയെ ഒരുപാട് ആരാധിക്കുന്ന ഹാർദിക് പലപ്പോഴും അദ്ദേഹത്തെ റാഞ്ചിയിലെ ധോണിയുടെ ഭവനത്തിൽ ചെന്നുകണ്ട് സന്ദർശിക്കാറുണ്ട്. അതേസമയം, ഗുജറാത്ത് ടൈറ്റൻസിനൊപ്പം രണ്ട് വർഷം ചെലവഴിച്ചതിന് ശേഷം ഹാർദിക് മുംബൈയിലേക്ക് മടങ്ങി. 2022-ൽ അദ്ദേഹം ജിടിയെ വിജയത്തിലേക്ക് നയിച്ചു, ഫ്രാഞ്ചൈസി 2023-ൽ ഫൈനലിലെത്തി.
എന്നിരുന്നാലും, 17-ാം സീസണിൽ പാണ്ഡ്യയെ മുംബൈ ട്രേഡിലൂടെ തങ്ങളുടെ പാളയത്തിൽ എത്തിച്ചു. രോഹിത് ശർമ്മയ്ക്ക് പകരം അദ്ദേഹം ക്യാപ്റ്റനായി. അഞ്ച് തവണ ചാമ്പ്യൻമാരായ മുംബൈ ആദ്യ മൂന്ന് മത്സരങ്ങളിൽ പൂർണ്ണമായും പരാജയപ്പെട്ടു. ഗുജറാത്ത്, സൺറൈസേഴ്സ് ഹൈദരാബാദ്, രാജസ്ഥാൻ റോയൽസ് എന്നിവരോടാണ് അവർ തോറ്റത്. മുംബൈയുടെ ക്യാപ്റ്റനായതിന് ഹാർദിക്കിനെ കൂവിയ ആരാധകർ തോൽവി കൂടി ആയപ്പോൾ വലിയ വിമർശനം കേൾക്കേണ്ടതായി വന്നു. എന്തായാലും അവസാന രണ്ട് മത്സരങ്ങളിലും വിജയിച്ച് മുംബൈ വിജയവഴിയിൽ എത്തിയിരിക്കുന്നു.
അതേസമയം ഇന്നത്തെ മത്സരത്തിൽ ടോസ് നേടിയ മുംബൈ ബോളിങ് തിരഞ്ഞെടുത്തിരിക്കുന്നു. ഒടുവിൽ വിവരം കിട്ടുമ്പോൾ ചെന്നൈ 3 വിക്കറ്റ് നഷ്ടത്തിൽ 152 എന്ന നിലയിൽ നിൽക്കുകയാണ്.
Hardik pandya Hugs his Mahi Bhaiya!! 🥹💛
– Cutest moment of the day!! pic.twitter.com/abbrE0WJnL
— DIPTI MSDIAN (@Diptiranjan_7) April 14, 2024
Read more
