ഐ‌പി‌എൽ 2022 ലെ മികച്ച തുടക്കത്തിന് ശേഷം ഗുജറാത്ത് ടൈറ്റൻസ് ഓപ്പണർ ശുഭ്മാൻ ഗില്ലിന്റെ ഫോം നഷ്ടപ്പെടുന്നത് ഫ്രാഞ്ചൈസിക്ക് നല്ലതല്ലെന്ന് മുൻ ഇന്ത്യൻ ടെസ്റ്റ് ഓപ്പണർ ആകാശ് ചോപ്ര കണക്കാക്കുന്നു. ഗുജറാത്തിന്റെ ദുർബല ബാറ്റിംഗ് ലൈനപ്പ് കണക്കിലെടുക്കുമ്പോൾ ഗില്ലിന്റെ ഫോം വളരെ പ്രധാനമാണെന്ന് ആകാശ് ചോപ്ര ചൂണ്ടിക്കാട്ടി.
ഡൽഹി ക്യാപിറ്റൽസിനെതിരെ (ഡിസി) 46 പന്തിൽ 84 റൺസ് അടിച്ചുകൂട്ടിയ 22 കാരനായ ബാറ്റർ പഞ്ചാബ് കിംഗ്സിനെതിരെ (പിബികെഎസ്) 59 പന്തിൽ 96 റൺസ് നേടി. എന്നിരുന്നാലും, ഗുജറാത്തിന്റെ കഴിഞ്ഞ നാല് മത്സരങ്ങളിൽ, ഏഴ്, 13, 0, ഏഴ് സ്‌കോറുകൾ മാത്രമാണ് പിറന്നത്.
” ജിടിയുടെ ബാറ്റിംഗ് അൽപ്പം ദുർബലമാണ്. ശുഭ്മാൻ ഗില്ലിന് രണ്ട് മികച്ച പ്രകടനങ്ങൾ നടത്താൻ സാധിച്ചു , എന്നാൽ അതിനുശേഷം അദ്ദേഹത്തിന്റെ ഫോം കുറഞ്ഞ് വന്നു , അത് നല്ലതല്ല അവൻ റണ്ണെടുക്കണം. വൃദ്ധിമാൻ സാഹയ്ക്ക് വമ്പൻ സ്കോർ ചെയ്യാനുള്ള ശേഷിയുണ്ടെങ്കിലും ഇതുവരെ ഉണ്ടായിട്ടില്ല .പക്ഷെ , മുൻ മത്സരങ്ങളിൽ മാത്യു വെയ്ഡ് ഓപ്പണിംഗ് നടത്തിയതിനാൽ അദ്ദേഹത്തിന് കൂടുതൽ അവസരങ്ങൾ ലഭിച്ചില്ല.”
സീസണിൽ ഏറ്റവും മോശം ടീം എന്ന വിലയിരുത്തലോടെയാണ് ഗുജറാത്ത് സീസൺ ആരംഭിച്ചത്. എന്നാൽ വ്യക്തികത മികവിൽ അവർ പല മത്സരങ്ങളും ജയിച്ചു. ഇന്ന് നടക്കുന്ന മത്സരത്തിൽ സണ്‍റൈസേഴ്സ് ഹൈടെരബാദാണ് ഗുജറാത്തിന്റെ എതിരാളികൾ. സീസണിലെ ആദ്യ ഏറ്റുമുട്ടലിൽ സണ്‍റൈസേഴ്സ് ഹൈദരാബാദിന് എട്ട് വിക്കറ്റിന്‍റെ തകര്‍പ്പന്‍ ജയം സ്വന്തമാക്കാൻ സാധിച്ചിരുന്നു .
Read more
163 റണ്‍സ് വിജയലക്ഷ്യം പിന്തുടര്‍ന്ന ഹൈദരാബാദ് 19.1ഓവറില്‍ രണ്ട് വിക്കറ്റ് നഷ്ടത്തില്‍ ലക്ഷ്യത്തിലെത്തുക ആയിരുന്നു . അര്‍ധസെഞ്ചുറി നേടിയ ക്യാപ്റ്റന്‍ കെയ്ന്‍ വില്യംസണിന്‍റെയും ഓപ്പണര്‍ അഭിഷേക് ശര്‍മയുടെയും നിക്കോളാസ് പുരാന്‍റെയും ബാറ്റിംഗ് മികവിലാണ് ഹൈദരാബാദ് ജയിച്ച് കയറിയത്. ഇതിന് പകരം വീട്ടാൻ പറ്റിയ അവസരമാണ് ഗുജറാത്തിന് ഇന്ന് ലഭിച്ചിരിക്കുന്നത്.
