ചൊവ്വാഴ്ച ധാക്കയിൽ നടന്ന അവസാന ടി20യിൽ 16 റൺസിന് തോറ്റ ഇംഗ്ലണ്ട് ടി20 ഐ പരമ്പരയിൽ ബംഗ്ലാദേശിനോട് 3- 0 നാണ് പരാജയപെട്ടത്. ബംഗ്ലാദേശ് ഉയർത്തിയ 159 റൺസ് പിന്തുടരുന്നതിനിടെ പതുക്കെപതുക്കെ ലക്ഷ്യത്തിലേക്ക് അടുക്കുക ആയിരുന്ന ടീമിന് പണി കിട്ടിയത് കളിയുടെ അവസാന ഭാഗാതാണ്. ജയം ഉറപ്പിച്ച ടീം വളരെ പെട്ടെന്ന് അത് കൈവിട്ട് കളയുക ആയിരുന്നു.
ലോകകപ്പ് ചാമ്പ്യന്മാർ ആദ്യ ടി20യിൽ ആറ് വിക്കറ്റിനും രണ്ടാമത്തേത് നാല് വിക്കറ്റിനും തോറ്റു. ബംഗ്ലാദേശിനെയൊക്കെ തൂത്തുവാരാൻ ഞങ്ങൾക്കല്ലേ പറ്റു എന്ന മട്ടിൽ ഇറങ്ങിയ ടീമിന് അപ്രതീക്ഷിതമായിട്ടാണ് പണി കിട്ടിയത്.
സ്വന്തം രാജ്യത്ത് തങ്ങൾ ഇത്ര വലിയ ശക്തി ആയത് എന്തുകൊണ്ടാണെന്ന് ബംഗ്ലാദേശ് ഒരിക്കൽ കൂടി തെളിയിച്ചു. മൂന്ന് മത്സരങ്ങളിലും കളിയുടെ അതിനിർണായക പോയിന്റുകളിൽ എല്ലാം ആധിപത്യം നേടി മുന്നേറാൻ ടീമിന് സാധിച്ചു എന്നതാണ് ശ്രദ്ധിക്കേണ്ട കാര്യം.
വൈറ്റ്‌വാഷ് ഒഴിവാക്കാൻ പോലും സാധിക്കാത്തതിന് ട്വിറ്ററിലെ ആരാധകർ ജോസ് ബട്ട്‌ലറെയും കൂട്ടരെയും ട്രോളി. ചിലർ ബംഗ്ലാദേശിനെ ‘കുറച്ചുകണ്ടതിന്’ രണ്ടാം നിര ടീമിനെ അയച്ചുകൊണ്ട് വില കുറച്ച് കണ്ടതിനും ടീം അധിക്ഷേപം നേരിട്ടു.
Read more
“പോയി റെഡ് ബോൾ ടീമിനെ കൊണ്ടുവരിക അവർക്ക് ഇനി എന്തെങ്കിലും അത്ഭുതം കാണിക്കാൻ പറ്റു എന്നാണ് തോന്നുന്നത്” ആരാധകൻ കുറിച്ചു.
