ലഖ്‌നൗ സൂപ്പർ ജയൻ്റ്‌സിൻ്റെ പേസർ മായങ്ക് യാദവ് ഇന്ത്യൻ പ്രീമിയർ ലീഗ് 2024-നെ കൊടുങ്കാറ്റാക്കി മുന്നേറുകയാണ്, തൻ്റെ അസാധ്യ വേഗം മാത്രമല്ല, കൃത്യമായ ലൈനിലും ലെങ്ങ്തിലും പന്തെറിയാനും ബാറ്റർമാരെ കുഴക്കാനും അദ്ദേഹത്തിന് സാധിച്ചിട്ടുണ്ട്. തൻ്റെ ആദ്യ മൂന്ന് മത്സരങ്ങളിൽ, യാദവ് ഇതിനകം 54 റൺസ് വഴങ്ങി ആറ് വിക്കറ്റ് വീഴ്ത്തി, 14ന് 4 എന്ന മികച്ച സ്പെൽ എറിയുകയും ചെയ്തു . വരാനിരിക്കുന്ന 2024 ടി20 ലോകകപ്പിൽ താരത്തെ പരിഗണിക്കണം എന്ന ആവശ്യം ശക്തമാണ്.
രണ്ട് വർഷം മുമ്പ്, സൺറൈസേഴ്‌സ് ഹൈദരാബാദിൻ്റെ ഉമ്രാൻ മാലിക്കും തൻ്റെ വേഗതയിലൂടെ വാർത്തകൾ സൃഷ്ടിച്ചിരുന്നു. ഇന്ത്യൻ ടീമിൽ ഇടം നേടിയെങ്കിലും പിന്നീട് ഫ്രാഞ്ചൈസിക്കും രാജ്യത്തിനും കാര്യമായ ഒന്നും ചെയ്യാനാകാതെ താരം വീഴുക ആയിരുന്നു. ഹൈദരാബാദിൻ്റെ പ്ലെയിംഗ് ഇലവനിൽ സ്ഥാനം നഷ്ടപ്പെട്ട മാലിക് ഈ സീസണിൽ ബെഞ്ചിൽ ആണ് ഇരിക്കുന്നത്.
വെസ്റ്റ് ഇന്ത്യൻ ബാറ്റിംഗ് ഇതിഹാസം ബ്രയാൻ ലാറ സ്റ്റാർ സ്‌പോർട്‌സ് പ്രസ് റൂം ഷോയിൽ ഇരുതാരങ്ങളെയുംക്കുറിച്ച് അഭിപ്രായം പറയുകയാണ്. ഉംറാൻ മാലിക്കിന് നല്ല ഭാവിയുണ്ടെന്നും അത് ഒരു പൊതുനാമം മാത്രമല്ലെന്നും 54 കാരനായ വെറ്ററൻ വിശ്വസിക്കുന്നു. പുതുമുഖ താരം മായങ്ക് ബാറ്റർമാരെ പേടിക്കണം എന്നും വീഡിയോകളിലൂടെ അവർ തന്ത്രങ്ങൾ കാണുന്നുണ്ടെന്ന് ഓർക്കണം എന്നും പറഞ്ഞു.
“ഒന്നാമതായി, ഉംറാൻ മാലിക്കിന് ഇപ്പോഴും ഒരു മികച്ച കരിയർ മുന്നിലുണ്ട്. എന്നാൽ അവനെ ബാധിച്ചത് സ്ഥിരത കുറവാണ്. പക്ഷെ ബോളർ എന്ന നിലയിൽ മായങ്കിന് കുറെ കാര്യങ്ങൾ ചെയ്യാൻ ഉണ്ട്. ബാറ്റർമാരെ ബുദ്ധിമിറ്റിക്കാനുള്ള കഴിവ് താരത്തിനുണ്ട്. മായങ്ക് മികച്ച രീതിയിൽ ബൗൾ ചെയ്യുന്നുണ്ട്, പക്ഷേ തൻ്റെ കഴിവുകൾ മെച്ചപ്പെടുത്തിക്കൊണ്ടിരിക്കണം. ബാറ്റർമാർ അവനെ പഠിക്കുകയും തന്ത്രം മെനയുകയും ചെയ്യുമെന്ന് അവൻ മനസ്സിലാക്കണം, അതിനാൽ ഫലപ്രദമായി തുടരാൻ അവൻ പരിണമിക്കണം.
Read more
ജസ്പ്രീത് ബുംറയെപ്പോലുള്ള പരിചയസമ്പന്നരായ ബൗളർമാരിൽ നിന്നും ഐപിഎല്ലിലെ മറ്റ് അന്താരാഷ്ട്ര ക്രിക്കറ്റ് താരങ്ങളിൽ നിന്നും ഉപദേശം തേടാൻ ഇതിഹാസ താരം മായങ്കിനെ ഉപദേശിച്ചു. ഭാവിയിൽ ലോകോത്തര ഫാസ്റ്റ് ബൗളറായി മാറാൻ യുവ പേസർക്ക് കഴിയുമെന്ന് അദ്ദേഹം ഊന്നിപ്പറഞ്ഞു.
