2021ല്‍ പാകിസ്ഥാന്‍ ക്രിക്കറ്റിന് ഏറ്റവും സന്തോഷം നിറഞ്ഞതും വേദന നിരഞ്ഞതുമായ നിമിഷങ്ങള്‍ ഏതെന്ന് പറഞ്ഞ് പാക് നായകന്‍ ബാബര്‍ അസം. 2021 ലെ ടി20 ലോക കപ്പുമായി ബന്ധപ്പെട്ടാണ് പാക് ടീമിന്‍രെ സന്തോഷവും സങ്കടവും കിടക്കുന്നതെന്ന് ബാബര്‍ പറഞ്ഞു.
‘2021ല്‍ എന്നെ ഏറ്റവുമധികം വേദനിപ്പിച്ച തോല്‍വി ട്വന്റി20 ലോകകപ്പ് സെമിയില്‍ ഓസ്‌ട്രേലിയയോട് ഏറ്റ തോല്‍വിയാണ്. ടീമെന്ന നിലയില്‍ ഒത്തൊരുമയോടെ പാക്കിസ്ഥാന്‍ ടീം കളിച്ച ടൂര്‍ണമെന്റാണത്. നന്നായി കളിച്ചിട്ടും സെമിയില്‍ തോറ്റ് പുറത്തായത് വേദനിപ്പിച്ചു.’
‘ടീമെന്ന നിലയില്‍ ലോക കപ്പില്‍ ഇന്ത്യയെ തോല്‍പ്പിക്കാനായതാണ് ഞങ്ങളെ സംബന്ധിച്ച് ഏറ്റവും മികച്ച നിമിഷം. കാരണം, ലോക കപ്പില്‍ ഇതുവരെ ഇന്ത്യയെ തോല്‍പ്പിക്കാന്‍ ഞങ്ങള്‍ക്ക് സാധിച്ചിരുന്നില്ല. വര്‍ഷങ്ങളായിട്ട് അതായിരുന്നു സ്ഥിതി. അതുകൊണ്ട് 2021ലെ ഏറ്റവും മികച്ച നിമിഷം അതുതന്നെ’ ബാബര്‍ അസം പറഞ്ഞു.
Read more
യുഎഇയില്‍ നടന്ന ടി20 ലോക കപ്പ് വേദിയില്‍ തീര്‍ത്തും ഏകപക്ഷീയമായി മാറിയ മത്സരത്തില്‍ 10 വിക്കറ്റിനാണ് പാകിസ്ഥാന്‍ ഇന്ത്യയെ തോല്‍പ്പിച്ചത്. ലോക കപ്പ് ചരിത്രത്തില്‍ തന്നെ ആദ്യമായിട്ടാണ് പാകിസ്ഥാന്‍ ഇന്ത്യയെ പരാജയപ്പെടുത്തിയത്.
