ഇന്ത്യയ്‌ക്കെതിരായ മൂന്ന് മത്സര ഏകദിന പരമ്പരയ്ക്കുള്ള 16 അംഗ ടീമിനെ ക്രിക്കറ്റ് ഓസ്ട്രേലിയ പ്രഖ്യാപിച്ചു. ഈ വര്‍ഷം അവസാനം ഇന്ത്യയില്‍ ലോകകപ്പ് നടക്കാനിരിക്കെ ഇവിടുത്തെ സാഹചര്യങ്ങള്‍ പരിചയപ്പെടുന്നതിന്റെ ഭാഗമായി ശക്തമായ ടീമിനെ തന്നെയാണ് ഓസീസ് അണിനിരത്തുന്നത്.
ഈ പരമ്പരയിലൂടെ മിച്ച് മാര്‍ഷും ഗ്ലെന്‍ മാക്സ്വെല്ലും അന്താരാഷ്ട്ര ക്രിക്കറ്റിലേക്ക് തിരിച്ചുവരാന്‍ ഒരുങ്ങുകയാണ്. മാര്‍ഷിനും മാക്സ്വെല്ലിനും പരിക്ക് കാരണം ഏറെ നാളായി ടീമിന് പുറത്തായിരുന്നു. ഈ രണ്ട് ഓള്‍റൗണ്ടര്‍മാര്‍ക്കൊപ്പം പേസര്‍ ജേ റിച്ചാര്‍ഡ്സണും ദേശീയ ടീമില്‍ തിരിച്ചെത്തും.
പാറ്റ് കമ്മിന്‍സാണ് ടീം നായകന്‍. സൂപ്പര്‍ താരങ്ങളായ സ്റ്റീവ് സ്മിത്ത്, മിച്ചല്‍ സ്റ്റാര്‍ക്ക്, മാര്‍ക്കസ് സ്റ്റോണിനിസ്. ഡേവിഡ് വാര്‍ണര്‍, ആദം സാമ്പ എന്നിവരും ടീമിലുണ്ട്. അടുത്ത മാസം 17,19, 22 തിയതികളിലാണ് മത്സരങ്ങള്‍. മുംബൈയിലും വിശാഖപട്ടണത്തും ചെന്നൈയിലുമായാണ് മത്സരങ്ങള്‍ നടക്കുന്നത്.
Read more
ഓസ്ട്രേലിയ ഏകദിന ടീം: പാറ്റ് കമ്മിന്‍സ്, സീന്‍ ആബട്ട്, ആഷ്ടണ്‍ അഗര്‍, അലക്സ് കാരി, കാമറൂണ്‍ ഗ്രീന്‍, ട്രാവിസ് ഹെഡ്, ജോഷ് ഇംഗ്ലിസ്, മാര്‍നസ് ലാബുഷാഗ്‌നെ, മിച്ചല്‍ മാര്‍ഷ്, ഗ്ലെന്‍ മാക്സ്വെല്‍, ജേ റിച്ചാര്‍ഡ്സണ്‍, സ്റ്റീവ് സ്മിത്ത്, മിച്ചല്‍ സ്റ്റാര്‍ക്ക്, മാര്‍ക്കസ് സ്റ്റോണിനിസ്. ഡേവിഡ് വാര്‍ണര്‍, ആദം സാമ്പ
