ഇംഗ്ലണ്ടിൻ്റെ സമീപകാല മത്സരങ്ങളിൽ എല്ലാം ടീമിന് നിരാശപെടുത്തുന്ന ഫലങ്ങളാണ് കിട്ടിയത്. ഇന്ത്യൻ പര്യടനത്തിൽ എല്ലാം താരം തീർത്തും നിരാശപെടുത്തുക ആയിരുന്നു ടീം. ഇതിനിടയിൽ അവരുടെ ഓപ്പണർ ബെൻ ഡക്കറ്റ് ഇന്ത്യയോട് പരമ്പര തോൽക്കുന്നത് ഒന്നും പ്രശ്നമല്ല എന്നും മറിച്ച് ചാമ്പ്യൻസ് ട്രോഫി ഫൈനലിൽ ഇന്ത്യ തോൽപ്പിക്കുന്നതിലാണ് ശ്രദ്ധ എന്നുമൊക്കെ തമാശയായി പറഞ്ഞിരുന്നു. എന്തായാലും ബെൻ ഈ പറഞ്ഞ കാര്യങ്ങൾക്ക് എതിരെയും പ്രതിഭാധനരായ ടീമുണ്ടെങ്കിലും ഇംഗ്ലണ്ടിൻ്റെ ഫോം കുറച്ചുകാലമായി മോശമായിരുന്നുവെന്നുമൊക്കെ പറഞ്ഞിരിക്കുകയാണ് രവിചന്ദ്രൻ അശ്വിൻ.
സമീപകാല ഇന്ത്യൻ പര്യടനത്തിൽ, ഇംഗ്ലണ്ട് അവരുടെ അഞ്ച് കളികളുടെ ടി20 ഐ പരമ്പരയിൽ ഒരു മത്സരം മാത്രം ജയിക്കുകയും ഏകദിന പരമ്പരയിൽ 3-0 ന് വൈറ്റ്വാഷ് ആകുകയും ചെയ്തു. ചാമ്പ്യൻസ് ട്രോഫിക്ക് മുന്നോടിയായി ഇംഗ്ലണ്ടിൻ്റെ ആത്മവിശ്വാസം തകർത്തുകൊണ്ട് കളിയുടെ എല്ലാ മേഖലകളിലും ഇന്ത്യ ആധിപത്യം പുലർത്തി.
ഇന്ത്യയ്‌ക്കെതിരായ ഇംഗ്ലണ്ടിൻ്റെ ഹോം ടെസ്റ്റ് പരമ്പരയ്‌ക്കിടെ യശസ്വി ജയ്‌സ്വാളിൻ്റെ ഇന്നിംഗ്‌സിൻ്റെ ക്രെഡിറ്റ് പോലും അവകാശപ്പെടുന്ന ഡക്കറ്റ് നേരത്തെ പരാമർശങ്ങൾ നടത്തിയതെങ്ങനെയെന്ന് തൻ്റെ ഷോ ആഷ് കി ബാത്തിൽ അശ്വിൻ അനുസ്മരിച്ചു. “ബെൻ ഡക്കറ്റ് എന്ത് പറഞ്ഞാലും, ഈ പരമ്പര തോൽവി ചാമ്പ്യൻസ് ട്രോഫിയിലേക്കുള്ള അവരുടെ ആത്മവിശ്വാസത്തെ ബാധിക്കുമെന്നതിൽ സംശയമില്ല. ഇംഗ്ലണ്ടിൻ്റെ ‘ബാസ്ബോൾ’ ശൈലിയിൽ നിന്നാണ് യശസ്വി ജയ്‌സ്വാൾ ആക്രമണാത്മക ക്രിക്കറ്റ് കളിക്കാൻ പഠിച്ചതെന്ന് അവകാശപ്പെട്ടതുപോലെ ഡക്കറ്റ് മുമ്പ് സമാനമായ അഭിപ്രായങ്ങൾ നടത്തിയിട്ടുണ്ട്.”
“ഡക്കറ്റിൻ്റെ നർമ്മത്തോടുള്ള ഇഷ്ടം ഞാൻ മനസ്സിലാക്കുന്നു, പക്ഷേ ഈ സാഹചര്യം തമാശ പറയാനുള്ള നേരമില്ല. അവർ തങ്ങളുടെ പരാജയങ്ങളെ തമാശകൾ കൊണ്ട് മറയ്ക്കുന്നത് പോലെ തോന്നുന്നു. ഇംഗ്ലണ്ടിൻ്റെ 2023 ഏകദിന ലോകകപ്പ് പ്രകടനവും നിരാശാജനകമായിരുന്നു. കഴിഞ്ഞ കുറച്ച് വർഷങ്ങളായി അവർ ഫോമിലല്ല. ഇത്രയും കഴിവുള്ള ഒരു സ്ക്വാഡ് ഉണ്ടായിരുന്നിട്ടും, അവരുടെ കഴിവുകൾക്കനുസരിച്ച് കളിക്കുന്നതിൽ അവർ പരാജയപ്പെട്ടു.” അശ്വിൻ പറഞ്ഞു.
Read more
