ഇപ്പോൾ നടക്കുന്ന ടി 20 ലോകകപ്പ് സെമി ഫൈനലിൽ ഇംഗ്ലണ്ടിനെ ഇന്ത്യ നേരിടും. മുംബൈയിലെ വാംഖഡെ സ്റ്റേഡിയത്തിൽ വ്യാഴാഴ്ചയാണ് മത്സരം നടക്കുന്ന. കഴിഞ്ഞ മത്സരത്തിൽ തകർപ്പൻ പ്രകടനം നടത്തിയ സഞ്ജു സാംസൺ തന്നെയാണ് ഇന്ത്യയുടെ വജ്രായുധം.
ഇപ്പോഴിതാ ഇംഗ്ലണ്ടിനെതിരെ ഓപ്പണർ റോളിൽ നിന്നും അഭിഷേക് ശർമയെ മാറ്റി ഇഷാൻ കിഷനെ കൊണ്ട് വരണമെന്ന് പറഞ്ഞിരിക്കുകയാണ് മുൻ ഇന്ത്യൻ ഇതിഹാസം രവി ശാസ്ത്രി.
Read more
സെമിയില് അഭിഷേകിനെ പ്ലേയിംഗ് ഇലവനില് ഉള്പ്പെടുത്തും മുമ്പ് അവന്റെ ആത്മവിശ്വാസം തകർന്നിട്ടുണ്ടോ എന്ന് ടീം മാനേജ്മെന്റ് പരിശോധിക്കണമെന്ന് ശാസ്ത്രി പറഞ്ഞു. നെറ്റ്സിലെ അവന്റെ ബാറ്റിംഗ് കൂടി നോക്കി വേണം അഭിഷേകിന്റെ കാര്യത്തില് തീരുമാനമെടുക്കാൻ. മാനസികമായി അവന് തളർന്നിട്ടുണ്ടെങ്കിൽ സഞ്ജു സാംസണിനൊപ്പം ഇഷാൻ കിഷനെ ഓപ്പണറാക്കണമെന്നും മധ്യനിരയിൽ റിങ്കു സിംഗിനെ തിരികെ കൊണ്ടുവരണമെന്നും ശാസ്ത്രി പറഞ്ഞു.
