കാലിഫോര്‍ണിയയില്‍ വിമാനം പറന്നു പൊങ്ങുന്നതിനിടെയില്‍ എമര്‍ജന്‍സി ഡോറിലൂടെ ഇറങ്ങിയോടിയ യുവതിയെ പിന്തുടര്‍ന്ന് പിടികൂടി സെക്യൂരിറ്റി ജീവനക്കാര്‍. ബഫലോ നയാഗ്ര അന്താരാഷ്ട്ര വിമാനത്താവളത്തില്‍ ചൊവ്വാഴ്ചയായിരുന്നു സംഭവം. 24കാരിയായ യുവതിയെയാണ് അറസ്റ്റ് ചെയ്തത്.
ബഫലോ നയാഗ്ര ഇന്റര്‍നാഷണല്‍ എയര്‍പോര്‍ട്ടില്‍ നിന്ന് ചിക്കാഗോ ഒ ഹെയര്‍ ഇന്റര്‍നാഷണല്‍ എയര്‍പോര്‍ട്ടിലേക്ക് പോകാനിരുന്ന വിമാനത്തില്‍ നിന്നാണ് യുവതി ഇറങ്ങിയോടിയത്. ഇതേ തുടര്‍ന്ന് വിമാനം യാത്ര മാറ്റിവെക്കുകയും യാത്രക്കാരെ മറ്റൊരു വിമാനത്തിലേക്ക് മാറ്റുകയും ചെയ്തു. 65 യാത്രക്കാരും നാല് ജീവനക്കാരുമാണ് വിമാനത്തില്‍ ഉണ്ടായിരുന്നത്.
Read more
വിമാനം ജെറ്റ് ബ്രിഡ്ജില്‍ എത്തുന്നതിന് മുമ്പ് യുവതി ബോര്‍ഡിംഗ് ഡോര്‍ തുറന്ന് എമര്‍ജന്‍സി സ്ലൈഡ് ഉപയോഗിച്ച് വിമാനത്തില്‍ നിന്ന് റണ്‍വേയിലേക്ക് ഇറങ്ങുകയായിരുന്നു. യുവതിക്കെതിരെ അന്വേഷണം പ്രഖ്യാപിച്ചിട്ടുണ്ട് ഇവരെ കരിമ്പട്ടികയില്‍ ഉള്‍പ്പെടുത്തി വിമാനയാത്രയ്ക്ക് വിലക്കേര്‍പ്പെടുത്തിയതായും അധികൃതര്‍ അറിയിച്ചു.
