ഇറാനെതിരെ ഉടന് ആക്രമണ സാധ്യതയെന്ന് റിപ്പോര്ട്ടുകള്. ഇസ്രയേല് സേനയ്ക്ക് ജാഗ്രതാ നിര്ദേശം നല്കിയതായുള്ള റിപോർട്ടുകൾ പുറത്ത് വന്നു. യുദ്ധം ഉടന് തുടങ്ങുമെന്നും ഒരുങ്ങിയിരിക്കാനുമാണ് നിര്ദേശം.
ഇറാന്റെ ഊര്ജ്ജ അടിസ്ഥാന സൗകര്യങ്ങള് ലക്ഷ്യമിടുമെന്നും റിപ്പോര്ട്ടുണ്ട്. ഞായറാഴ്ച ഡോണള്ഡ് ട്രംപും ബെഞ്ചമിന് നെതന്യാഹുവും തമ്മില് അരമണിക്കൂറിലധികം ഫോണിലൂടെ സംസാരിച്ചിരുന്നു. അമേരിക്കയില് നിന്നുള്ള അറിയിപ്പിനായി ഇസ്രായേല് സൈന്യം കാത്തിരിക്കുകയാണെന്നും റിപ്പോര്ട്ട്.
Read more
ഇറാന് മുന്നറിയിപ്പുമായി യുഎസ് പ്രസിഡന്റ് ഡോണള്ഡ് ട്രംപ് രംഗത്തെത്തിയിരുന്നു. ഇറാന്റെ സമയം അടുത്തുവെന്നാണ് ട്രംപിന്റെ ട്രൂത്ത് സോഷ്യല് പോസ്റ്റ്. ഇറാനെ സംബന്ധിച്ചിടത്തോളം സമയം മിടിക്കുന്നുവെന്നും അവര് വേഗത്തില് നീങ്ങുന്നതാണ് നല്ലതെന്നും ട്രംപിന്റെ ഭീഷണി. തീരുമാനം വേഗത്തില് എടുത്തില്ലെങ്കില് ഒന്നും അവശേഷിപ്പിക്കില്ലെന്നും പോസ്റ്റില് പറയുന്നു.
