കോവിഡ് -19 രോഗികളെ ചികിത്സിക്കാൻ ഉപയോഗിക്കാവുന്ന ഹൈഡ്രോക്സിക്ലോറോക്വിൻ ഗുളികകൾ അമേരിക്കക്ക് വിതരണം ചെയ്യാൻ പ്രധാനമന്ത്രി നരേന്ദ്ര മോദിയോട് അഭ്യർത്ഥിച്ചതായി യുഎസ് പ്രസിഡന്റ് ഡൊണാൾഡ് ട്രംപ് ശനിയാഴ്ച പറഞ്ഞു.
“ഇന്ത്യൻ പ്രധാനമന്ത്രി നരേന്ദ്ര മോദിയുമായി നടത്തിയ ഫോൺ സംഭാഷണത്തിന് ശേഷം ഹൈഡ്രോക്സിക്ലോറോക്വിൻ യുഎസിന് വിതരണം ചെയ്യുന്ന കാര്യത്തിൽ ഇന്ത്യ ഗൗരവമായ പരിഗണന നൽകുന്നുണ്ട്,” കൂടുതൽ ഹൈഡ്രോക്സിക്ലോറോക്വിൻ ഗുളികകൾക്കായി പ്രധാനമന്ത്രി നരേന്ദ്ര മോദിയോട് അഭ്യർത്ഥിച്ചതായി വൈറ്റ് ഹൗസിൽ നടന്ന കൊറോണ വൈറസ് കർമ്മസേന വാർത്താസമ്മേളനത്തിൽ യുഎസ് പ്രസിഡന്റ് ട്രംപ് അറിയിച്ചു.
ശനിയാഴ്ച ടെലിഫോൺ സംഭാഷണത്തിനിടെ പ്രധാനമന്ത്രിയോട് മരുന്നിനുള്ള യുഎസ് ഓർഡറിനുള്ള തടസ്സം പിൻവലിക്കണമെന്ന് ട്രംപ് അഭ്യർത്ഥിച്ചു.
“ഞാനും ഹൈഡ്രോക്സിക്ലോറോക്വിൻ കഴിച്ചേക്കാം, എന്റെ ഡോക്ടർമാരുമായി സംസാരിക്കേണ്ടിവരും,” ട്രംപ് കൂട്ടിച്ചേർത്തു.
“ഇന്ത്യ ഇത് വളരെയധികം ഉണ്ടാക്കുന്നു. അവരുടെ ശതകോടിക്കണക്കിന് ആളുകൾക്ക് ഇത് വളരെയധികം ആവശ്യമാണ്. മലേറിയക്കുള്ള ഹൈഡ്രോക്സിക്ലോറോക്വിൻ മരുന്ന് സ്ട്രാറ്റജിക് നാഷണൽ സ്റ്റോക്ക്പൈൽ വഴി ചികിത്സയ്ക്കായി പുറത്തിറക്കും. നമ്മൾ ആവശ്യപെട്ട അത്രയും ഹൈഡ്രോക്സിക്ലോറോക്വിൻ അവർ തന്നാൽ അഭിനന്ദനാർഹമാണ്,” ട്രംപ് പറഞ്ഞു.
മലേറിയക്കുള്ള ഹൈഡ്രോക്സിക്ലോറോക്വിന്റെ കയറ്റുമതിയും അതിന്റെ രൂപീകരണവും ഇന്ത്യൻ സർക്കാർ നിർത്തിവച്ചിരിക്കുകയാണ്.
Read more
പ്രസിഡന്റ് ഡൊണാൾഡ് ട്രംപുമായി വിപുലമായ ടെലിഫോൺ സംഭാഷണം നടത്തിയെന്ന് പ്രധാനമന്ത്രി നരേന്ദ്ര മോദി ട്വിറ്ററിൽ കുറിച്ചു. ഞങ്ങൾ നല്ല ചർച്ച നടത്തി, കോവിഡ് -19 നെതിരെ പോരാടുന്നതിന് ഇന്ത്യ-യുഎസ് പങ്കാളിത്തത്തിന്റെ മുഴുവൻ ശക്തിയും വിനിയോഗിക്കാൻ തീരുമാനമായി എന്ന് മോദി പറഞ്ഞു.
