അമേരിക്കയുമായി ചര്ച്ചക്കില്ലെന്ന് ഇറാന് ദേശീയ സുരക്ഷാ കൗണ്സില് മേധാവി അലി ലാരിജാനി. യുഎസ് പ്രസിഡന്റ് ഡോണള്ഡ് ട്രംപിന്റെ ഭ്രാന്തമായ പ്രതീക്ഷകള് മേഖലയെ കുഴപ്പത്തിലേക്ക് തള്ളിവിട്ടിരിക്കുന്നു. ഇറാന് ചര്ച്ചയ്ക്ക് തയ്യാറായെന്ന യുഎസ് മാധ്യമവാര്ത്തകളെ തള്ളി ലാരിജാനി വ്യക്തമാക്കി.
‘അമേരിക്കന് സൈനികരുടെ കൂടുതല് ജീവഹാനിയെക്കുറിച്ച് ‘ട്രംപ് ഇപ്പോള് ആശങ്കപ്പെടുകയാണ്’ എന്നും ലാരിജാനി കൂട്ടിച്ചേര്ത്തു. ഇറാന് ആദ്യം ആക്രമണം നടത്തിയിട്ടില്ല. ആദ്യം ഇസ്രയേല് എന്ന അജണ്ട അമേരിക്കയാണ് നടപ്പാക്കിയത്.
‘ഭ്രമാത്മകമായ സങ്കൽപ്പങ്ങളിലൂടെ പശ്ചിമേഷ്യയെ കടുത്ത അരാജകത്വത്തിലേക്ക് തള്ളിയിട്ടിരിക്കുകയാണ് ട്രംപ്. ഇപ്പോൾ കൂടുതൽ അമേരിക്കൻ സൈനികർ കൊല്ലപ്പെടുമെന്ന് അദ്ദേഹം ഭയപ്പെടുന്നു. അദ്ദേഹം സ്വയം രൂപപ്പെടുത്തിയ ‘അമേരിക്ക ഫസ്റ്റ്’ എന്ന മുദ്രാവാക്യത്തെ ‘ഇസ്രായേൽ ഫസ്റ്റ്’ എന്നാക്കി മാറ്റി, ഇസ്രായേലിന്റെ അധികാരമോഹങ്ങൾക്കായി അമേരിക്കൻ സൈനികരെ ബലികൊടുത്തു’ ലാരിജാനി എക്സിൽ കുറിച്ചു.
Read more
