തമിഴ് നാട് മുഖ്യമത്രിയായി ദളപതി വിജയ് ഇന്ന് അധികാരമേൽക്കും. തെരഞ്ഞെടുപ്പ് ഫലം വന്ന് അഞ്ച് ദിവസത്തോളം പിന്നിടുമ്പോൾ ഗവർണറുമായി നാലോളം കൂടിക്കാഴ്ചകൾ, ചെറു കക്ഷികളുമായി നിലയ്ക്കാത്ത യോഗങ്ങൾ, ഒടുവിലാണ് തമിഴ്നാടിൻ്റെ ഭരണം വിജയ്യിലേക്ക് എത്തിയിരിക്കുന്നത്.
പാർട്ടി രൂപീകരിച്ച് നേരിട്ട ആദ്യ തെരഞ്ഞെടുപ്പിൽ തന്നെ വമ്പൻ വിജയം നേടിയ വിജയ് ഇന്ന് രാവിലെ പത്തുമണിക്ക് തമിഴ്നാടിന്റെ മുഖ്യമന്ത്രിയായി സത്യപ്രതിജ്ഞ ചെയ്ത് ചുമതലയേൽക്കും. കോൺഗ്രസിന്റേത് ഉള്പ്പെടെ 9 മന്ത്രിമാരും സത്യപ്രതിജ്ഞ ചെയ്യും.
Read more
ചെന്നൈ ജവഹർലാൽ നെഹ്റു ഇൻഡോർ സ്റ്റേഡിയത്തിൽ നടക്കുന്ന ചടങ്ങിൽ അയ്യായിത്തോളം പേർക്ക് പങ്കെടുക്കാനുള്ള സൗകര്യമാണ് ഒരുക്കിയിരിക്കുന്നത്. ബുധനാഴ്ച നിയമസഭയിൽ വിജയ് വിശ്വാസവോട്ട് തേടേണ്ടി വരുമെന്ന് ലോക്ഭവൻ പുറത്തിറക്കിയ പ്രസ്താവനയിൽ അറിയിച്ചിട്ടുണ്ട്. കോൺഗ്രസ് എംപിയും പ്രതിപക്ഷ നേതാവുമായ രാഹുൽ ഗാന്ധിക്ക് അടക്കം ചടങ്ങിൽ ക്ഷണമുണ്ട്. ചടങ്ങിൽ പങ്കെടുക്കാൻ രാഹുൽ ഡൽഹിയിൽ നിന്ന് പുറപ്പെട്ടിട്ടുണ്ട്.
