രാജ്യത്തെ തന്ത്രപ്രധാന വിവരങ്ങള്‍ പാകിസ്ഥാന് ചോര്‍ത്തി നല്‍കിയ സംഭവത്തില്‍ യുവാവ് അറസ്റ്റില്‍. ഹരിയാനയിലെ പാനിപ്പത്തിലാണ് സംഭവം. പാനിപ്പത്തിലെ വ്യവസായശാലയില്‍ സെക്യൂരിറ്റി ഗാര്‍ഡായി ജോലിചെയ്യുന്ന നൗമാന്‍ ഇലാഹിയാണ് പാകിസ്ഥാന് വേണ്ടി വിവരങ്ങള്‍ ചോര്‍ത്തി നല്‍കിയ കേസില്‍ പിടിയിലായത്.
നൗമാന്‍ ഇലാഹി ഉത്തര്‍പ്രദേശിലെ കൈരാന സ്വദേശിയാണ്. ബുധനാഴ്ചയാണ് ഇയാളെ പാനിപ്പത്ത് പൊലീസ് പിടികൂടിയത്. പ്രതിയുടെ മൊബൈല്‍ ഫോണും പൊലീസ് പിടിച്ചെടുത്തിട്ടുണ്ട്. പ്രതിയെ ചോദ്യം ചെയ്തതില്‍ നിന്ന് ഇയാള്‍ക്ക് പാകിസ്ഥാനില്‍ ചിലരുമായി ബന്ധമുണ്ടെന്ന് പൊലീസ് കണ്ടെത്തിയിട്ടുണ്ട്.
Read more
കൃത്യമായവിവരങ്ങളുടെ അടിസ്ഥാനത്തിലാണ് പ്രതിയുടെ അറസ്റ്റെന്ന് പാനിപ്പത്ത് പൊലീസ് പ്രതികരിച്ചു. പ്രതി പാകിസ്ഥാന് സുപ്രധാന വിവരങ്ങള്‍ കൈമാറിയതായും പൊലീസ് കണ്ടെത്തിയിട്ടുണ്ട്. ചോദ്യംചെയ്യലിലും തെളിവുശേഖരണത്തിലും ഇയാള്‍ക്കെതിരെയുള്ള തെളിവുകള്‍ കണ്ടെത്തിയതായും പൊലീസ് വ്യക്തമാക്കി.
