2019-ലെ 299 മിനിറ്റിൽ നിന്ന് 2024-ൽ സ്ത്രീകൾ വീട്ടുജോലികൾക്കായി ചെലവഴിക്കുന്ന സമയം 10 മിനിറ്റ് കുറഞ്ഞ് 289 മിനിറ്റായി. കഴിഞ്ഞ വർഷം പുരുഷന്മാരെക്കാൾ 201 മിനിറ്റ് കൂടുതൽ സ്ത്രീകൾ വീട്ടുജോലികൾക്കായി ചെലവഴിച്ചതായി സ്റ്റാറ്റിസ്റ്റിക്സ് ആൻഡ് പ്രോഗ്രാം ഇംപ്ലിമെന്റേഷൻ മന്ത്രാലയം (MoSPI) ചൊവ്വാഴ്ച പുറത്തിറക്കിയ ടൈം യൂസ് സർവേ 2024 (ജനുവരി-ഡിസംബർ) കാണിക്കുന്നു. വീട്ടുജോലികൾക്കായി പുരുഷന്മാരേക്കാൾ 62 മിനിറ്റ് കൂടുതൽ സ്ത്രീകൾ ചെലവഴിക്കുന്നു. 2019-ൽ 134 മിനിറ്റിൽ നിന്ന് 2024-ൽ സ്ത്രീകൾ ചെലവഴിക്കുന്ന ശരാശരി സമയം 137 മിനിറ്റായി വർദ്ധിച്ചുവെന്ന് സർവേ ചൂണ്ടികാണിക്കുന്നു.
ഒരു ദിവസം ചെലവഴിക്കുന്ന ശരാശരി സമയം (മിനിറ്റുകളിൽ)
15-59 വയസ്സ് പ്രായമുള്ള പുരുഷന്മാർ ഒരു ദിവസം ഏകദേശം 140 മിനിറ്റ് പരിചരണ പ്രവർത്തനങ്ങളിൽ ചെലവഴിക്കുമ്പോൾ, 15-59 വയസ്സ് പ്രായമുള്ള സ്ത്രീകളിൽ 41 ശതമാനം പേർ അവരുടെ കുടുംബാംഗങ്ങളെ പരിചരിക്കുന്നതിൽ പങ്കെടുത്തു. ശമ്പളമില്ലാത്ത വീട്ടുജോലികളിൽ സ്ത്രീകൾ 289 മിനിറ്റ് ചെലവഴിക്കുമ്പോൾ, 2024 ൽ പുരുഷന്മാർ അത്തരം ജോലികളിൽ ചെലവഴിച്ചത് 88 മിനിറ്റാണ്. അതായത് സ്ത്രീകൾ അവിടെ 201 മിനിറ്റ് കൂടുതലായി ചെലവഴിക്കുന്നു. എന്നാൽ, തൊഴിലിനും മറ്റ് അനുബന്ധ പ്രവർത്തനങ്ങൾക്കുമായി പുരുഷന്മാർ സ്ത്രീകളേക്കാൾ 132 മിനിറ്റ് കൂടുതൽ ചെലവഴിക്കുന്നു. സ്ത്രീകൾ 341 മിനിറ്റും പുരുഷന്മാർ 473 മിനിറ്റുമാണ് അത്തരം പ്രവർത്തനങ്ങൾക്ക് വേണ്ടി ചെലവഴിച്ചത്.
Read more
മൊത്തത്തിൽ, 2024 ൽ ഒരു ദിവസം ഏകദേശം 83.9 ശതമാനം സ്ത്രീകൾ ശമ്പളമില്ലാത്ത പ്രവർത്തനങ്ങളിൽ പങ്കെടുക്കുമ്പോൾ ശമ്പളമുള്ള പ്രവർത്തനങ്ങളിൽ, അവരുടെ പങ്ക് 2019 ലെ 17.1 ശതമാനത്തിൽ നിന്ന് 2024 ൽ 20.6 ശതമാനം വർദ്ധിച്ചിട്ടുണ്ട്. 2024 ൽ ശമ്പളമില്ലാത്ത പ്രവർത്തനങ്ങളിൽ പുരുഷന്മാരുടെ പങ്കാളിത്ത നിരക്ക് 2019 ൽ 43.9 ശതമാനത്തിൽ നിന്ന് 45.8 ശതമാനമായി വർദ്ധിച്ചപ്പോൾ ശമ്പളമുള്ള ജോലികളിൽ അവരുടെ പങ്ക് 54.8 ശതമാനത്തിൽ നിന്ന് 60.5 ശതമാനമായി വർദ്ധിച്ചു. എന്നാൽ പഠന പ്രവർത്തനങ്ങൾക്കായി, പുരുഷന്മാരും സ്ത്രീകളും ഒരു ദിവസം ചെലവഴിക്കുന്ന സമയത്തിൽ കുറവുണ്ടായതായി സർവേ എടുത്ത് കാണിക്കുന്നു.
