കേരളത്തിലെ ചരിത്രപ്രസിദ്ധമായ മാറു മറയ്ക്ക ല്‍ സമരം എന്‍.സി.ആര്‍.ടി പുസ്തകത്തില്‍ നിന്നും കേന്ദ്ര സര്‍ക്കാര്‍ നീക്കി. എന്‍.സി.ആര്‍.ടി പുസ്തകത്തിലെ ഇതുമായി ബന്ധപ്പെട്ട മൂന്ന് പാഠങ്ങളാണ് കേന്ദ്ര സര്‍ക്കാര്‍ നീക്കിയത്. ഒമ്പതാം ക്ലാസിലെ ഇന്ത്യ ആന്‍ഡ് കണ്ടമ്പററി വേള്‍ഡിലെ 70-ഓളം പേജുകളാണ് കേന്ദ്ര സര്‍ക്കാര്‍ നിര്‍ദേശപ്രകാരം നീക്കിയത്.
വിദ്യാര്‍ത്ഥികളുടെ പഠനഭാരം കുറയ്ക്കുന്നതിന് വേണ്ടിയാണിതെന്നാണ് ഔദ്യോഗിക ഭാഷ്യം. അടുത്ത അധ്യയന വര്‍ഷത്തില്‍ ഈ പുസ്തകം ഉപയോഗിച്ച് തുടങ്ങും.
വസ്ത്രധാരണം; ഒരു സാമൂഹ്യ ചരിത്രം എന്ന പാഠത്തില്‍ ഇന്ത്യയിലേയും ബ്രിട്ടനിലേയും വസ്ത്രധാരണം അവയ്ക്ക് നിദാനമായ സാമൂഹിക മാറ്റങ്ങളുമാണ് പ്രതിപാദിക്കുന്നത്. തിരുവിതാംകൂറില്‍ ചാന്നാര്‍ വിഭാഗത്തിലെ സ്ത്രീകളെ 1822 മേയില്‍ മാറു മറച്ചതിന്റെ പേരില്‍ പരസ്യമായി നായര്‍ സമുദായ അംഗങ്ങള്‍ ആക്രമിച്ചു. ഇതോടെ വര്‍ഷങ്ങളായി വസ്ത്രധാരണത്തിന്റെ പേരില്‍ നിലനിന്നിരുന്ന പല സംഘര്‍ഷങ്ങളും പൊട്ടിപ്പുറപ്പെട്ടതായി പാഠത്തില്‍ വ്യക്തമാക്കുന്നു.
Read more
2016 ലെ സര്‍ക്കുലറില്‍ “ജാതി സംഘര്‍ഷവും വസ്ത്രധാരണവും” എന്ന പാഠത്തില്‍ നിന്നും ചോദ്യങ്ങള്‍ പാടില്ല. ഇവ പഠിപ്പിക്കുന്നതിനെയും വിലക്കിയും കേന്ദ്ര സര്‍ക്കാര്‍ ഉത്തരവിട്ടിരുന്നു. പുതിയ ഉത്തരവ് പ്രകാരം പാഠം തന്നെ പുസ്തകത്തില്‍ നിന്നും ഒഴിവാക്കും.
