തമിഴ്നാട്ടിൽ കല്യാണവീട്ടിലെ പാചകപ്പുരയിൽ നിന്ന് പൊള്ളലേറ്റ യുവാവ് മരിച്ചു. തിരുവള്ളൂർ മിഞ്ഞൂരിലാണ് സംഭവം. പാചകപ്പുരയിൽ തിളച്ചുകൊണ്ടിരുന്ന രസത്തിൽ വീണതോടെയാണ് യുവാവിന് പൊള്ളലേറ്റത്. എന്നൂർ അത്തിപ്പട്ട് സ്വദേശി സതീഷാണ് (20) മരിച്ചത്.
അപകടത്തെ തുടർന്ന് ഗുരുതരമായി പൊള്ളലേറ്റ് ചെന്നൈ കിൽപോക് മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു. മിഞ്ഞൂർ പൊലീസ് അസ്വാഭാവിക മരണത്തിന് കേസെടുത്തു.
Read more
കൊരുക്കുപ്പേട്ടയിലെ സ്വകാര്യ കോളേജിൽ ബിസിഎ അവസാന വർഷ വിദ്യാർത്ഥിയായിരുന്നു സതീഷ്. കാറ്ററിംഗ് സ്ഥാപനത്തിൽ പാർട് ടൈം തൊഴിലാളികൂടിയായിരുന്നു.
