പ്രധാനമന്ത്രി നരേന്ദ്രമോദിക്കെതിരെ രൂക്ഷ വിമർശനം ഉന്നയിച്ച് മുതിർന്ന അഭിഭാഷകൻ പ്രശാന്ത് ഭൂഷൺ. പ്രധാനമന്ത്രിയുടെ എസ്പിജി സുരക്ഷയ്ക്കായുള്ള തുകയിലെ വര്‍ദ്ധന ചൂണ്ടിക്കാട്ടിയാണ് ഭൂഷണിന്റെ പ്രതികരണം.
മോദിക്കു വേണ്ടി ഓരോ വർഷവും നീക്കിവക്കുന്ന തുക വർദ്ധിക്കുകയാണ്. ഖജനാവ് കാലിയാണെങ്കിലും മോദിയുടെ സുരക്ഷ, വിദേശ യാത്ര, പ്രചാരണം എന്നിവക്കായി വർഷാ വർഷം നീക്കിവക്കുന്ന തുക ഉയരുകയാണെന്ന് പ്രശാന്ത് ഭൂഷൺ ആരോപിച്ചു.
പ്രധാനമന്ത്രി മോദിയുടെ എസ്പിജി സംരക്ഷണത്തിനായി കഴിഞ്ഞ വർഷം 540 കോടിരൂപ മാറ്റിവച്ചപ്പോള്‍ ഇത്തവണ അത് 600 കോടി രൂപയായി ഉയർത്തിയെന്ന ട്വീറ്റ് പങ്കുവച്ചാണ് ഭൂഷണിന്റെ പ്രതികരണം. 2018-19ൽ ഇത് 420 കോടി രൂപയായിരുന്നു, ഇത് 2019-20ൽ 540 കോടി രൂപയായി ഉയർത്തിയെന്നും ഇതിൽ പറയുന്നുണ്ട്.
So one head on which allocation increases year by year, (even if our coffers get empty) is Modi”s security, Modi”s foreign travel, and Modi”s publicity. https://t.co/ts9wFWI5d3
— Prashant Bhushan (@pbhushan1) February 2, 2020
Read more
