അഞ്ച് സംസ്ഥാനങ്ങളില്‍ നടന്ന നിയമസഭാ തിരഞ്ഞെടുപ്പില്‍ കോണ്‍ഗ്രസിന് കനത്ത തിരിച്ചടി നേരിട്ട സാഹചര്യത്തില്‍ പ്രതികരിച്ച് രാഹുല്‍ ഗാന്ധി. ജനവിധി അംഗീകരിക്കുന്നു എന്നും തോല്‍വിയില്‍ നിന്ന് പഠിക്കുമെന്നും അദ്ദേഹം ട്വീറ്റ് ചെയ്തു.
തിരഞ്ഞെടുപ്പില്‍ വിജയിച്ചവര്‍ക്ക് രാഹുല്‍ ഗാന്ധി ആശംസ നേര്‍ന്നു. ജനവിധി വിനയപൂര്‍വ്വം അംഗീകരിക്കുന്നു. കോണ്‍ഗ്രസിന് വേണ്ടി ആത്മാര്‍ത്ഥതയോടെ കഠിനാധ്വാനം നടത്തിയ പ്രവര്‍ത്തകര്‍ക്ക് നന്ദി അറിയിക്കുന്നു എന്നും അദ്ദേഹം ട്വിറ്ററില്‍ കുറിച്ചു. തോല്‍വിയില്‍ നിന്ന് പാഠങ്ങള്‍ ഉള്‍ക്കൊണ്ട് ജനങ്ങള്‍ക്ക് വേണ്ടിയുള്ള പ്രവര്‍ത്തനം ഇനിയും തുടരുമെന്നും രാഹുല്‍ ഗാന്ധി അറിയിച്ചു.
ഏറ്റവും ഒടുവിലെ വിവരങ്ങള്‍ അനുസരിച്ച് യുപിയില്‍ മൂന്നാം സ്ഥാനത്താണ് കോണ്‍ഗ്രസ്. പഞ്ചാബിലാണ് കനത്ത തിരിച്ചടി നേരിട്ടത്. മുഖ്യമന്ത്രി ചരണ്‍ജിത് സിങ്ങ് ഛന്നി മത്സരിച്ച രണ്ട് സ്ഥലങ്ങളിലും പരാജയപ്പെട്ടു. പിസിസി അദ്ധ്യക്ഷന്‍ നവജ്യോത് സിങ് സിദ്ദു ഉള്‍പ്പെടെയുള്ള നേതാക്കളും തോറ്റു.
Humbly accept the people’s verdict. Best wishes to those who have won the mandate.
My gratitude to all Congress workers and volunteers for their hard work and dedication.
We will learn from this and keep working for the interests of the people of India.
— Rahul Gandhi (@RahulGandhi) March 10, 2022
Read more
