പ്രവാചക നിന്ദ പരാമർശം നടത്തിയ മുൻ ബിജെപി വക്താവ് നൂപുർ ശർമ്മയെ അറസ്റ്റ് ചെയ്യണമെന്ന് ആവശ്യപ്പെട്ട് ഓൾ ഇന്ത്യ മജ്‌ലിസെ ഇത്തിഹാദുൽ മുസ്ലിമീൻ (എഐഎംഐഎം) നേതാവും എംപിയുമായ അസീസുദ്ദീന്‍ ഒവൈസി. നൂപുർ ശർമയെ ബിജെപി ഡൽഹി മുഖ്യമന്ത്രി സ്ഥാനാർഥിയാക്കുമെന്നും.വരുന്ന ആറ്- ഏഴ് മാസത്തിനുള്ളിൽ നൂപുറിനെ വലിയ നേതാവായി ഉയർത്തിക്കാട്ടപ്പെടുമെന്നും അദ്ദേഹം പറഞ്ഞു.
നൂപുറിനെ അറസ്റ്റ് ചെയ്ത് ഭരണഘടന പ്രകാരമുള്ള നടപടിയെടുക്കണമെന്നും ഒവൈസി ആവശ്യപ്പെട്ടു. നൂപൂർ ശർമ്മയെ ബിജെപി സംരക്ഷിക്കുകയാണെന്നും. ശർമ്മ വിഷയത്തിൽ പ്രധാനമന്ത്രി മൗനം പാലിക്കുകയാണെന്നും ഒവൈസി പറഞ്ഞു.
‘നൂപുർ ശർമയെ ബിജെപി സംരക്ഷിക്കുകയാണ്. 6–7 മാസത്തിനുള്ളിൽ ഇവർ വലിയ നേതാവായി മാറുമെന്ന് തനിക്കറിയാം. ഡൽഹി മുഖ്യമന്ത്രി സ്ഥാനാർഥിയാകാനും സാധ്യതയുണ്ട്. അവരെ അറസ്റ്റ് ചെയ്ത് തെലുങ്കാനയിലേക്ക് കൊണ്ടുവരാൻ തെലുങ്കാന മുഖ്യമന്ത്രിയോട് ആവശ്യപ്പെട്ടിരുന്നു. പ്രധാനമന്ത്രിയോട് അഭ്യർഥിച്ചെങ്കിലും അദ്ദേഹം ഒരക്ഷരം മിണ്ടുന്നില്ല. നൂപുറിനെതിരെ എഐഎംഐഎം പരാതി നൽകിയിട്ടുണ്ടെന്നും ഉവൈസി പറഞ്ഞു.
Read more
വിവാദ പരാമർശത്തിനു പിന്നാലെ രാജ്യത്തെ നിരവധി പൊലീസ് സ്റ്റേഷനുകളിൽ നൂപുർ ശർമയ്ക്കെതിരെ കേസ് രജിസ്റ്റർ ചെയ്തിരുന്നെങ്കിലും ഇതുവരെ അവരെ അറസ്റ്റ് ചെയ്തിട്ടില്ല.
