ബിഹാര്‍ മുഖ്യമന്ത്രി നിതീഷ് കുമാറിനെതിരെ വിവാദ പരാമര്‍ശം നടത്തി ബിജെപി ദേശീയ ജനറല്‍ സെക്രട്ടറിയായ കൈലാഷ് വിജയവര്‍ഗിയ. ‘നിരന്തരം ആണ്‍സുഹൃത്തുക്കളെ മാറ്റിക്കൊണ്ടിരിക്കുന്ന വിദേശ വനിതകളെ പോലെയാണ് നിതീഷ് കുമാര്‍’ എന്നായിരുന്നു കൈലാഷിന്റെ പ്രസ്താവന.
‘ഞാന്‍ വിദേശത്തേക്ക് യാത്രപോകുമ്പോള്‍ ചിലര്‍ പറയും, അവിടെയുള്ള സ്ത്രീകള്‍ ഏത് സമയത്തും അവരുടെ ആണ്‍ സുഹൃത്തുക്കളെ മാറ്റിക്കൊണ്ടിരിക്കുമെന്ന്. ബിഹാര്‍ മുഖ്യമന്ത്രിയും ഇതിന് സമാനമാണ്. ആരുടെ കൈയാണ് പിടിച്ചിരിക്കുന്നതെന്നും ആരുടെ കൈയാണ് വിട്ടതെന്നും അദ്ദേഹം അറിയുന്നതേയില്ല’ മധ്യപ്രദേശിലെ ഇന്‍ഡോറില്‍ വിജയവര്‍ഗിയ ഒരു പ്രസ്താവനയില്‍ പറഞ്ഞു.
കഴിഞ്ഞ ആഴ്ചയാണ് നിതീഷ് കുമാര്‍ എന്‍ഡിഎ സഖ്യം വിട്ട് പ്രതിപക്ഷ സഖ്യമായ മഹാഗഡ്ബന്ധനൊപ്പം ചേര്‍ന്ന് ബിഹാറില്‍ സര്‍ക്കാര്‍ രൂപീകരിച്ചത്. ഇത് എട്ടാം തവണയാണ് നിതീഷ് കുമാര്‍ ബിഹാര്‍ മുഖ്യമന്ത്രിയായി അധികാരമേല്‍ക്കുന്നത്.
Read more
ആര്‍ജെഡി നേതാവ് തേജസ്വി യാദവാണ് ഉപമുഖ്യമന്ത്രി.
