പഞ്ചാബ് മഹാരാഷ്ട്ര സഹകരണ (പിഎംസി) ബാങ്കിൽ 90 ലക്ഷം രൂപ നിക്ഷേപമുണ്ടായിരുന്ന അക്കൗണ്ട് ഉടമ. തിങ്കളാഴ്ച മുംബൈ കോടതിക്ക് പുറത്ത് ബാങ്കിലെ ഉപഭോക്താക്കളുടെ പ്രതിഷേധ പ്രകടനത്തിൽ പങ്കെടുത്തതിന് മണിക്കൂറുകൾക്ക് ശേഷം ഹൃദയാഘാതത്തെ തുടർന്ന് മരിച്ചു.
51- കാരനായ സഞ്ജയ് ഗുലാത്തി തിങ്കളാഴ്ച രാവിലെ കോടതിക്ക് പുറത്ത് പ്രതിഷേധ മാർച്ചിന് പോയി. തന്റെ നിക്ഷേപം അഴിമതി കുരുക്കിൽ ആയ പിഎംസി ബാങ്കിൽ അകപ്പെട്ട സാഹചര്യത്തിൽ സഞ്ജയ് ഗുലാത്തി സമ്മർദ്ദത്തിലായിരുന്നുവെന്ന് പ്രക്ഷോഭകാരികളിൽ ഒരാളായ മനാലി നാർക്കർ പറഞ്ഞു. സഞ്ജയ് ഗുലാത്തിയുടെ ഓർമ്മയിൽ ഇന്ന് വൈകുന്നേരം നിക്ഷേപകർ സമാധാനപരമായി മെഴുകുതിരി കത്തിച്ച് മാർച്ച് നടത്തുമെന്ന് നാർക്കർ പറഞ്ഞു.
Read more
80- കാരനായ പിതാവിനൊപ്പമാണ് ഒഷിവാര നിവാസിയായ സഞ്ജയ് ഗുലാത്തി പ്രതിഷേധത്തിൽ പങ്കെടുത്തത്. തിങ്കളാഴ്ച അത്താഴം കഴിക്കുന്നതിനിടെ ഹൃദയാഘാതത്തെ തുടർന്ന് അദ്ദേഹം മരിച്ചുവെന്ന് ഓഷിവാര പൊലീസ് സ്റ്റേഷനിലെ മുതിർന്ന ഉദ്യോഗസ്ഥൻ വാർത്താ ഏജൻസി പിടിഐയോട് പറഞ്ഞു.
