ദേശീയ സുരക്ഷാ ഉപദേഷ്ടാവ് അജിത് ഡോവലിന്റെ വീട്ടിലേക്ക് വാഹനം ഓടിച്ചു കയറ്റിയ അജ്ഞാതന്‍ പടിയില്‍. ഇന്ന് രാവിലെ 7.30ന് ആയിരുന്നു സംഭവം. കര്‍ണാടക സ്വദേശിയായ ശന്തനു റെഡ്ഡി ആണ് പിടിയിലായത്. സംഭവം നടക്കുമ്പോള്‍ അജിത് ഡോവല്‍ വീട്ടില്‍ ഉണ്ടായിരുന്നു.
കസ്റ്റഡിയിലെടുത്ത് ചോദ്യം ചെയ്തപ്പോള്‍ ഇയാള്‍ക്ക് മാനസികവിഭ്രാന്തിയുള്ളതായി കണ്ടെത്തിയെന്ന് ഡല്‍ഹി പൊലീസ് വ്യക്തമാക്കി. കാറില്‍ ഡോവലിന്റെ വീട്ടിലേക്ക് കടക്കാന്‍ ശ്രമിച്ചപ്പോള്‍ സുരക്ഷാ ഉദ്യോഗസ്ഥര്‍ തടയുകയായിരുന്നു.
ഇയാളുടെ ശരീരത്തില്‍ ആരോ ചിപ്പ് ഘടിപ്പിച്ചിട്ടുണ്ടെന്നും മറ്റാരോ ആണ് തന്നെ നിയന്ത്രിക്കുന്നതെന്ന വിചിത്ര വാദമാണ് ഇയാള്‍ പൊലീസിനോട് പറഞ്ഞത്. വാടകയ്ക്കെടുത്ത കാറാണ് ഇയാള്‍ ഓടിച്ചിരുന്നതെന്നും വ്യക്തമായി.
Read more
അതീവ സുരക്ഷയുള്ള ഡോവലിന്റെ വീട്ടില്‍ നടന്ന ഈ സംഭവത്തെ ഡല്‍ഹി പൊലീസ് ഗൗരവമായാണ് കാണുന്നത്. അജിത് ഡോവല്‍ ഇസഡ് പ്ലസ് സുരക്ഷ വിഭാഗത്തില്‍ ഉള്‍പ്പെട്ട ആളായതിനാല്‍ സിഐഎസ്എഫ് കനത്ത സുരക്ഷയാണ് അദ്ദേഹത്തിന്റെ വസതിയില്‍ ഏര്‍പ്പെടുത്തിയിട്ടുള്ളത്.
