ഉത്തര്പ്രദേശിലെ അയോധ്യയില് ഗോശാലയില് പശുക്കളോട് ലൈംഗികാതിക്രമം കാണിച്ച സംഭവത്തില് യുവാവിനെ പൊലീസ് അറസ്റ്റു ചെയ്തു. രാജ്കുമാര് എന്നയാളാണ് അറസ്റ്റിലായത്. നവാബ്ഗഞ്ച് സ്വദേശിയാണ് രാജ്കുമാര്.
കര്തല്യ ബാബ ആശ്രമത്തിന് കീഴിലുള്ള ഗോശാലയിലാണ് സംഭവം. ഇയാളെ ഗോശാല ജീവനക്കാരാണ് പിടികൂടി പൊലീസിനെ ഏല്പ്പിച്ചത്.
ഗോശാലയിലെ സിസിടിവി ദൃശ്യങ്ങള് ജീവനക്കാര് പരിശോധിച്ചപ്പോഴാണ് ഇയാള് ഏഴ് പശുക്കളെ പീഡിപ്പിക്കുന്നതായി തെളിഞ്ഞത്. രാജ്കുമാര് വീണ്ടും ഗോശാലയിലെത്തി പശുക്കളെ ആക്രമിക്കാന് ശ്രമിച്ചപ്പോഴായിരുന്നു ജീവനക്കാര് പിടികൂടിയത്. ഗോശാല ജീവനക്കാര് രാജ്കുമാറിനെ മര്ദ്ദിച്ചതിന് ശേഷമാണ് പൊലീസിന് കൈമാറിയത്.
പ്രതിയ്ക്കെതിരെ ഐ.പി.സി 376, 511 വകുപ്പുകള് ചുമത്തി കേസെടുത്തതായി അയോധ്യ എസ്.എസ്.പി ജോഗേന്ദ്ര കുമാര് പറഞ്ഞു.
Read more
താന് മദ്യലഹരിയില് ചെയ്തതാണെന്നും, എന്താണ് ചെയ്തതെന്ന് തനിക്ക് ഓര്മ്മയില്ലെന്നും രാജ്കുമാര് ഇന്ത്യ ടുഡേയോട് പറഞ്ഞു. ജീവനക്കാരും പൊലീസും തന്നെ മര്ദ്ദിച്ചതായും രാജ്കുമാര് ചാനലിനോട് പറഞ്ഞു.