ചെന്നൈയില്‍ കോവിഡ് ബാധിച്ച് മലയാളി മരിച്ചു. ആലപ്പുഴ സ്വദേശി എം സതീഷ് കുമാറാണ് മരിച്ചത്. മന്ദവേളി സ്വകാര്യ സ്കൂളിലെ അദ്ധ്യാപകനായിരുന്നു. അതേസമയം തമിഴ്‌നാട്ടിൽ ഇന്ന് 3645 പേര്‍ക്ക് കൂടി കോവിഡ് സ്ഥിരീകരിച്ചു. 46 പേര്‍ മരിച്ചു. രോഗികളുടെ എണ്ണത്തില്‍ വന്‍ വർദ്ധനയാണ് സംസ്ഥാനത്ത് ഉണ്ടായിരിക്കുന്നത്.
Read more
ആന്ധ്രാപ്രദേശിലും കോവിഡ് രോഗികളുടെ എണ്ണത്തില്‍ വന്‍ വർദ്ധന രേഖപ്പെടുത്തി. ഇന്ന് പത്ത് പേര്‍ മരിച്ച സംസ്ഥാനത്ത് 605 പേര്‍ക്ക് കൂടി രോഗം സ്ഥിരീകരിച്ചു. അതിനിടെ രാജ്യത്ത് കോവിഡ് മരണം 15,000 കടന്നു. രോഗികളുടെ എണ്ണം അഞ്ചുലക്ഷത്തിലേക്ക് അടുക്കുകയാണ്. പുതുതായി 17,296 കേസുകളും 407 മരണവും റിപ്പോർട്ട് ചെയ്തു. ഇതുവരെ 77,76,228 സാമ്പിളുകൾ പരിശോധിച്ചതായി ഐ സി എം ആർ അറിയിച്ചു.
