സമൂഹ മാധ്യമങ്ങളിൽ ദേശവിരുദ്ധ ഉള്ളടക്കമുള്ള പോസ്റ്റ് പങ്കുവെച്ചുവെന്നാരോപിച്ച് കശ്മീരിൽ മാധ്യമപ്രവർത്തകൻ അറസ്റ്റിൽ. ‘ദി കശ്മീർ വാല’ എന്ന ഓൺലൈൻ പോർട്ടലിന്റെ എഡിറ്റർ ഫഹദ് ഷായാണ് അറസ്റ്റിലായതെന്ന് പൊലീസ് അറിയിച്ചു.
‘തീവ്രവാദ പ്രവര്‍ത്തനങ്ങളെ പ്രകീര്‍ത്തിക്കുന്നതും രാജ്യത്തെ നിയമ നിര്‍വഹണ ഏജന്‍സികളുടെ പ്രതിച്ഛായ തകര്‍ക്കുന്നതുമാണ് പോസ്റ്റുകള്‍. ചില ഫെയിസ്ബുക്ക് ഉപയോക്താക്കള്‍, വാര്‍ത്താപോര്‍ട്ടലുകളും ദേശവിരുദ്ധമായ ഫോട്ടോകളും വീഡിയോകളും പങ്കുവെക്കുന്നുണ്ട്. ഇത് ക്രമസമാധാനത്തേയും നിയമപരിപാലനത്തെയും ബാധിക്കുന്നു’ പുല്‍വാമ പോലീസ് പ്രസ്താവനയിലൂടെ പറഞ്ഞു.
പോലീസ് അറസ്റ്റ് ചെയ്ത ഫഹദ് ഷാ ഇപ്പോള്‍ റിമാന്‍ഡിലാണ്.
Standing up for the truth is deemed anti national. Showing the mirror to a deeply intolerant & authoritarian government is also anti national. Fahad’s journalistic work speaks for itself & depicts the ground reality unpalatable to GOI. How many Fahad’s will you arrest? https://t.co/G22lN487zc
— Mehbooba Mufti (@MehboobaMufti) February 4, 2022
Read more
അതേസമയം ഫഹദിന്റെ അറസ്റ്റിനെ ജമ്മു കശ്മീര്‍ മുന്‍മുഖ്യമന്ത്രി മെഹബൂബ മുഫ്തി അപലപിച്ചു.
സത്യത്തിന് വേണ്ടി നിലകൊള്ളുന്നത് ദേശവിരുദ്ധമായി മാറുകയാണ്. ഫഹദിന്റെ പത്രപ്രവര്‍ത്തനം സ്വയം സംസാരിക്കുന്നതും ഇന്ത്യന്‍ സര്‍ക്കാരിന് അപ്രാപ്യവുമായ അടിസ്ഥാന യാഥാര്‍ഥ്യത്തെ ചിത്രീകരിക്കുന്നതുമാണ്. ഇനി എത്ര ഫഹദുമാരെ നിങ്ങള്‍ അറസ്റ്റ് ചെയ്യും- ജമ്മു കശ്മീര്‍ മുന്‍മുഖ്യമന്ത്രി മെഹബൂബ മുഫ്തി ട്വീറ്റ് ചെയ്തു
