കേന്ദ്ര- സംസ്ഥാന സര്‍ക്കാരുകളെ വിമര്‍ശിച്ച് സുപ്രീംകോടതി ചീഫ് ജസ്റ്റിസ് എന്‍.വി.രമണ. ഭരണ നിര്‍വഹണം നിയപ്രകാരമാണ് നടക്കുന്നതെങ്കില്‍ കോടതി ഇടപെടില്ല. സര്‍ക്കാര്‍ സംവിധാനങ്ങള്‍ നല്ല രീതിയില്‍ പ്രവര്‍ത്തിക്കുകയാണെങ്കില്‍ ജനങ്ങള്‍ കോടതിയിലെത്തില്ലെന്നും പൊലീസിന്റെ അന്യായമായ അറസ്റ്റും പീഡനവും ഒഴിവാക്കിയാല്‍ തന്നെ കോടതിയുടെ ഭാരം കുറയുമെന്നും അദ്ദേഹം പറഞ്ഞു. മുഖ്യമന്ത്രിമാരും ചീഫ് ജസ്റ്റിസുമാരും പങ്കെടുക്കുന്ന യോഗത്തില്‍ സംസാരിക്കുകയായിരുന്നു അദ്ദേഹം.
സര്‍ക്കാരുകള്‍ കോടതിയുത്തരവുകള്‍ വര്‍ഷങ്ങളോളം നടപ്പാക്കാതിരിക്കുകയാണ്. കോടതി വിധികള്‍ നടപ്പാക്കാത്തത് ജനാധിപത്യത്തിന് നല്ലതല്ല. കോടതിയലക്ഷ്യഹര്‍ജികള്‍ കോടതികളുടെ ജോലിഭാരം വര്‍ധിപ്പിക്കുകയാണെന്നും എന്‍ വി രമണ പറഞ്ഞു. ഹൈക്കോടതികളില്‍ പ്രാദേശികഭാഷകളില്‍ വാദിക്കാന്‍ അനുവാദം നല്‍കണം. ഭാഷാപ്രാവീണ്യമല്ല, നിയമപരിജ്ഞാനമാണ് പ്രധാനം. ജഡ്ജിമാരുടെ ഒഴിവുകള്‍ നികത്തണമെന്നും തസ്തികകള്‍ വര്‍ധിപ്പിക്കണമെന്നും അദ്ദേഹം ആവശ്യപ്പെട്ടു.
രാജ്യത്തെ ജുഡീഷ്യല്‍ സംവിധാനം കൂചടുതല്‍ ശക്തിപ്പെടുത്തണമെന്ന് പ്രധാനമന്ത്രി നരേന്ദ്രമോദി യോഗം ഉദ്ഘാടനം ചെയ്തു സംസാരിച്ചപ്പോള്‍ പറഞ്ഞു. ജുഡീഷ്യറിയുടെ അംഗബലം വര്‍ധിപ്പിക്കുമെന്നും അടിസ്ഥാന സൗകര്യങ്ങള്‍ കൂട്ടുമെന്നും അദ്ദേഹം അറിയിച്ചു.
We must be mindful of 'Laxman Rekha', judiciary will never come in way of governance if it's as per law. If municipalities, gram panchayats perform duties, if police investigate properly &illegal custodial torture comes to end, people need not have to look to courts:CJI NV Ramana pic.twitter.com/amgosbcX5i
— ANI (@ANI) April 30, 2022
Read more
